تحریکِ انصاف کی رہنما ڈاکٹر یاسمین راشد کا کہنا ہے کہ علی بلال کی پوسٹ مارٹم رپورٹ میں لکھا ہے کہ بلڈ انجری ہوئی ہے۔

بول نیوز سے گفتگو کرتے ہوئے پی ٹی آئی رہنما ڈاکٹر یاسمین راشد نے کہا ہے کہ محسن نقوی کو الزام لگانے پر شرم آنی چاہئے۔  سب جانتے ہیں پولیس گھسیٹتے ہوئے علی بلال کو لے کرگئی۔

ڈاکٹریاسمین راشد نے کہا کہ افسوس کی بات ہے یہ کہتے ہیں حادثہ ہوا ہے، پوسٹ مارٹم رپورٹ میں لکھا ہے کہ بلڈانجری ہوئی ہے۔  بلڈ انجری کا مطلب ہے کوئی ڈنڈامارا ہوگا۔

رہنما تحریکِ انصاف یاسمین راشد کا کہنا تھا کہ سب سےافسوسناک بات کہ علی بلال کے نازک اعضا پر تشدد ہوا، واقعہ کے وقت انہوں نےمیری گاڑی توڑی، ایس پی نے سوا6 بجے کلینک میں مجھ سے افسوس کیا۔

تنقید کرتے ہوئے انھوں نے کہا کہ کیا اتنا جھوٹ بولو گے کہ وہ سچ ثابت ہو جائے؟ یہ اتنا جھوٹ بولتےہیں کہ ان کے وزیرنےکہاخان کو گولی ہی نہیں لگی، عمران خان کوگولی لگنےکی گواہ ہوں۔

ڈاکٹریاسمین راشد نے مذید کہا کہ جےآئی ٹی میں بتایاگیا کہ عمران خان پر3لوگوں نےحملہ کیا، ریلی سےپہلے مجھے کہا جارہا تھا آپ زیادہ احتیاط کریں، پوسٹ مارٹم رپورٹ میں26زخم ہیں۔

ان کا کہنا تھا کہ علی بلال کی پاسٹ مارٹم رپورٹ دیکھ کر دل دہل گیا، 100بندےتو گواہ ہیں کہ میں سڑ ک پر کھڑی مار کھا رہی تھی۔