امتحانات میں کامیابی کا بڑا راز سامنے آ گیا ہے۔

ایک حالیہ تحقیق کے مطابق امتحانات میں کامیابی حاصل کرنا چاہتے ہیں تو بھرپور نیند کریں۔

جی ہاں، اس تحقیق میں رات کی نیند کے دورانیے اور طالبعلموں کے امتحانی گریڈ کے درمیان تعلق کا جائزہ لیا گیا۔

تحقیق میں دریافت کیا گیا کہ رات بھر میں 6 گھنٹے سے کم نیند سے طالبعلموں کے امتحانی نتائج پر منفی اثرات مرتب ہوتے ہیں۔

محققین کا کہنا ہے کہ رات کی نیند کے کم دورانیے سے طالبعلموں کے امتحانی گریڈ گھٹ سکتے ہیں بلکہ اس کے نتیجے میں ان کی کلاس رومز میں سیکھنے کی صلاحیت بھی متاثر ہوتی ہے۔

یہ بھی پڑھیں: امتحانات کے دنوں میں بچوں کو ذہنی دباؤ سے کیسے نکالیں؟

اس تحقیق میں 600 طالبعلموں کو شامل کیا گیا اور ٹریکرز کے ذریعے ان کی نیند کی عادات کا جائزہ لیا گیا۔

نتائج سے معلوم ہوا کہ نیند کی کمی کے شکار طالبعلموں کی تعلیمی کارکردگی میں نمایاں کمی آتی ہے اور امتحانات میں کم نمبر لینے کا امکان بڑھتا ہے۔

محققین نے کہا کہ جب آپ کی نیند کا دورانیہ 6 گھنٹے سے کم ہو جاتا ہے تو اس سے جسمانی نظام متاثر ہوتا ہے، یہاں تک کہ بھرپور کوشش کے باوجود بھی یہ اثر برقرار رہتا ہے۔

ان کا کہنا تھا کہ نتائج سے واضح ہوتا ہے کہ نیند کی کمی کی قیمت ہمیں تعلیمی میدان میں چکانا پڑتی ہے اور اس لیے رات کی نیند کو اہمیت دینا ضروری ہے۔

یہ بھی پڑھیں: اس غذا کا استعمال آپ کو امتحانات کے دوران اسٹریس سے بچا سکتا ہے، تحقیق