اسرائیلی فوج کی بربریت کا سلسلہ جاری، مزید 3 فلسطینی شہید

ویب ڈیسک

12th Mar, 2023. 09:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسرائیلی فوج کی بربریت کا سلسلہ جاری، مزید 3 فلسطینی شہید

اسرائیلی فوج کی ایک اور ریاستی دہشت گردی کے نتیجے میں 3 فلسطین شہید ہو گئے ہیں۔

غیر ملکی میڈیا کی خبروں کے مطابق گزشتہ ایک ہفتے سے اسرائیلی فوج کی جاری بربریت نے آج مزید 3 فلسطینیوں کی جان لے لی ہے، ایک ہفتے سے جاری ریاستی دہشت گردی میں اب تک 13 فلسطینی شہید ہو گئے ہیں۔

اسرائیلی فوج کے ترجمان نے اپنے ایک بیان میں کہا کہ فلسطین کے مغربی کنارے میں نابلس کے قریب چوکی پر مسلح نوجوانوں نے حملہ کیا تھا، فوج کی جوابی کارروائی میں 3 نوجوان ہلاک ہو گئے ہیں۔

اسرائیلی فوج نے دعوی کیا ہے کہ حملہ آوروں میں سے ایک مسلح شخص نے گرفتاری دے دی ہے۔

یہ بھی پڑھیں : وزیر اعظم نیتن یاہو کے خلاف لاکھوں اسرائیلی سڑکوں پر نکل آئے

اسرائیلی فوج کی ریاستی دہشت گردی کا تازہ شکار بننے والے تینوں شہید نوجوانوں کے جسد خاکی لواحقین کے حوالے نہیں کئے گئے۔

فلسطین اتھارٹی کے محکمہ صحت کا کہنا ہے کہ کسی ہلاک یا زخمی نوجوان کو اسپتال نہیں لایا گیا۔

واضح رہے کہ اسرائیل میں سخت گیر اور شدت پسند یہودی جماعت کے الحاق سے دوبارہ وزیر اعظم بننے والے بینجمن نیتن یاہو کی سخت پالیسیوں کے باعث مغربی کنارے میں فوجی کارروائیوں میں اضافہ ہوا ہے۔

رواں سال اسرائیلی افواج اور یہودی آبادکاروں کے ہاتھ شہید ہونے والے فلسطینیوں کی تعداد 78 ہو گئی ہے جس میں 14 بچے بھی شامل ہیں۔