بھارتی شاعر جاوید اختر کا نیا متنازع بیان آگیا

ویب ڈیسک

15th Mar, 2023. 02:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارتی شاعر جاوید اختر کا نیا متنازع بیان آگیا

بھارت کے معروف شاعر جاوید اختر کا نیا متنازع بیان آگیا ہے۔

حال ہی میں بھارت کے معروف شاعرجاوید اختر اوران کی اہلیہ شبانہ اعظمی نے اردو شاعری کی اپنی کتاب کی رونمائی کرتے ہوئے ایک تقریب میں شرکت کی جہاں انہوں نےاس زبان کی اہمیت پربات چیت کی۔

جاوید اختر نے کہا کہ ’ اردوکا تعلق پاکستان یا مصرسے نہیں بلکہ ہندوستان سے ہے، یہ زبان کہیں باہر سے نہیں آئی، یہ ہماری اپنی زبان ہے، یہ ہندوستان سے باہر نہیں بولی جاتی ‘۔

یہ بھی پڑھیں: پاکستان مخالف بیان دینے پر شوبز شخصیات جاوید اختر پر پھٹ پڑیں

انہوں نے کہا کہ ’ اردو متحدہ ہندوستان کی مقامی زبان ہے تاہم اسے آگے بڑھانے اورمقبول بنانے میں پنجاب نے اہم کردارادا کیا، اردو کو پاکستانی زبان سمجھنا درست نہیں ‘۔

معروف شاعر نے کہا کہ ’ اب پاکستان، کشمیر کو اپنا حصہ قراردیتا ہے تو کیا ہم اس کی بات مان لیں؟ اردو زبان کو اہمیت ملنی چاہیے، بھارت کی نئی نسل اردو زبان کو بھلائے بیٹھی ہے ‘۔

جاوید اختر نے کہا کہ ’ زبانوں کو مذہب سے جوڑنا غلط ہے، زبان کا تعلق مذہب سے نہیں بلکہ ممالک سے ہوتا ہے، اس لیے اردو کسی مذہب کی نہیں بلکہ ہندوستان کی زبان ہے ‘۔