شہباز شریف کی زیر صدارت اجلاس، امن و امان کی صورتحال پر تبادلہ خیال

ویب ڈیسک

15th Mar, 2023. 11:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شہباز شریف کی زیر صدارت اجلاس، امن و امان کی صورتحال پر تبادلہ خیال

وزیراعظم شہباز شریف کی زیر صدارت اعلیٰ سطح کا اجلاس ہوا جس میں ملک خصوصاً لاہور میں امن و امان اور سیکیورٹی صورتحال کا جائزہ لیا گیا۔

اجلاس میں وزیراعظم کو لاہور میں امن و امان کی صورتحال سے آگاہ کیا گیا جبکہ اجلاس میں پرتشدد کارروائیوں کی وڈیوز بھی دکھائی گئیں

وزیراعظم شہباز شریف نے اجلاس کی صدارت کرتے ہوئے کہا کہ پولیس اور رینجرز کا صبرو تحمل قابل تحسین ہے، ہم عدالتوں کے احکامات پر عمل درآمد کررہے ہیں کوئی سیاسی انتقامی کارروائی نہیں ہورہی۔

وزیراعظم شہباز شریف نے مزید کہا کہ زمان پارک کے بنکر میں چھپا بیٹھا شخص قانون ہاتھ میں لیے ہوئے ہے، قانون اپنا راستہ خود بنائے گا۔

اجلاس میں سینیر وزرا اور وزارت داخلہ کے اعلیٰ حکام نے شرکت کی جبکہ اجلاس میں وڈیولنک کے ذریعے وزیر داخلہ رانا ثنا اللہ نے بھی شرکت کی۔