سابق وزیراعلیٰ پنجاب پرویز الٰہی نے کہا ہے کہ پاکستان میں موجودہ مالی بحران اور غیر یقینی کی کیفیت سے نکلنے کیلئے انتخابات ہی یقینی حل ہے۔

تفصیلات کے مطابق سابق وزیراعلیٰ پنجاب ومرکزی صدر تحریک انصاف چوہدری پرویزالہٰی اور سابق وفاقی وزیر چوہدری وجاہت حسین سے امریکی بزنس مین طاہر جاوید کی ملاقات ہوئی ہے۔

انہوں نے کہا کہ زمان پارک میں پولیس رانا ثناء اللہ اور مریم نواز کے حکم پر ظالمانہ آپریشن کر رہی ہے لیکن مریم نواز ہر صورت عمران خان کو گرفتار کرنا چاہتی ہیں یہ ان کی حسرت ہی رہے گی۔

انہوں نے مزید کہا کہ ملک بد ترین معاشی بحران کا شکار ہے، امریکہ سے بھی بغیر الیکشن مدد گھٹائی میں پڑ گئی ہے تاہم پاک امریکہ تعلقات کو مظبوط بنانے کیلئے عوامی رابطہ مہم کی اس وقت اشد ضرورت ہے۔

انہوں نے کہا کہ آئی ایم ایف کے معاملے میں امریکہ کوئی مدد کرتا نظر نہیں آ رہا ہے ۔

یہ بھی پڑھیں: عمران خان اس وقت پوری دنیا کے مسلمانوں کے رہنما ہیں، پرویزالٰہی

پرویز الٰہی کا کہنا تھا کہ بیماری کا بہانا کر کے فرار ہونے والا لیڈر کیسے ہو سکتا ہے، نواز شریف کو لیڈر کہنے والے اس بھگوڑے کوپہلے واپس لائیں۔

ان کا کہنا تھا کہ ملک کے موجودہ مالی بحران اور غیر یقینی کی کیفیت سے نکلنے کیلئے انتخابات ہی یقینی حل ہے تاہم پنجاب اور کے پی کی اسمبلیاں تحلیل ہونے جس کے بعد انتخابات کی تاریخوں کا اعلان ہوگیا ہے مگر ابھی تک نگران حکومت کی وجہ سے انتخابات کا انعقاد غیر یقینی ہے۔

انہوں نے کہا کہ طاہر جاوید نے امریکہ میں مسلم کمیونٹی کے حقوق ہومن رائٹس کے حقوق کیلئے اپنا کردارادا کیا۔

اس موقع پر طاہو جاوید نے کہا کہ بطور وزیر اعلیٰ چوہدری پرویز الٰہی نے کم وقت میں پنجاب کی عوام کی فلاح و بہبود کیلئے اہم رول ادا کیا اور وزارت اعلیٰ کے دور میں مثالی اقدامات کیے ہیں۔