امریکی رکن کانگریس مائیک لیون نے پاکستان کی موجودہ صورتحال پر تشویش کا اظہار کیا ہے۔

تفصیلات کے مطابق پاکستانی نژاد امریکی ڈاکٹر آصف محمود کا امریکی کانگریس رکن مائیک لیون سے رابطہ ہوا جس میں عمران خان اور انکی جماعت کے خلاف ہونے والی کارروائیوں پر تبادلہ خیال کیا گیا۔

امریکی رکن کانگریس مائیک لیون کا پاکستان کی موجودہ صورتحال پر تشویش کا اظہار
براہ راست دیکھیں: https://t.co/7PN6qbA9Hd#BOLNews #PTI pic.twitter.com/iVyesBoTpi

— BOL Network (@BOLNETWORK) March 19, 2023

اس موقع پر مائیک لیون نے کہا کہ پاکستان میں انسانی حقوق اور جمہوریت کی حالیہ صورتحال پر تشویش ہے، پاکستان کی موجودہ صورتحال کو دیکھ رہے ہیں، میں موجودہ صورتحال پر عمران خان سے بھی بات کروں گا۔

امریکی رکن کانگریس نے مزید کہا کہ پاکستان سمیت جمہوریت اور انسانی حقوق کے تحفظ کے لئے پرعزم ہیں۔

دوسری جانب ڈاکٹر آصف محمود نے کہا کہ پاکستان میں انسانی حقوق پامال، جمہوریت کو چیلنج کیا جارہا ہے۔

پاکستان معاشی تباہی کے دہانے پر؟

پاکستان میں اس وقت ہر طرح کی اشیاء کی کمی ہے۔ گھروں میں کھانا پکانے یا چھوٹے کارخانے چلانے کے لئے گیس نہیں ہے اور بجلی کی بندش اتنی کثرت سے ہوتی ہے کہ معیشت مفلوج ہو کر رہ گئی ہے۔

وزیر اعظم شہباز شریف کی حکومت کو اب ایک بڑے چیلنج کا سامنا ہے۔ اُسے ڈیفالٹ یعنی دیوالیے سے بچنے کے لیے بین الاقوامی مالیاتی فنڈ (آئی ایم ایف) کو اپنے قرضے کی تجدید پر راضی کرنا ہے۔

اندورنی سیاسی کشمکش

پاکستانی معیشت کے وجود کو خطرہ لاحق ہے لیکن اس سنگین بحران سے نمٹنے پر توجہ دینے کی بجائے، اسلامی جمہوریہ کے سیاست دانوں کے مابین رسہ کشی اس بات کی چل رہی ہے کہ حکومت کون کرے گا۔

گزشتہ سال اپریل میں سابق وزیراعظم عمران خان کی برطرفی کے بعد سے پاکستان کو گہرے سیاسی اور آئینی بحران کا سامنا ہے۔ عمران خان کو پارلیمنٹ میں عدم اعتماد کے ووٹ کے زریعے اقتدار سے الگ کر دیا گیا تھا۔ انہوں نے ایک طرف امریکہ پر الزام لگایاکہ وہ پاکستان میں ”حکومت کی تبدیلی‘‘ کا منصوبہ بنا رہا ہے، اور دوسری جانب وہ پاکستان کی موجودہ حکومت اور طاقتور فوجی جرنیلوں کے ساتھ متصادم ہیں۔