ماہِ رمضان میں مسجد الحرام کی چھت پر بھی نماز کا اہتمام کیا جائے گا

ویب ڈیسک

21st Mar, 2023. 08:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ماہِ رمضان میں مسجد الحرام کی چھت پر بھی نماز کا اہتمام کیا جائے گا

رمضان المبارک میں مسجد الحرام کی چھت پر نماز کا اہتمام کیا جائے گا اور اس کے لیے خصوصی انتظامات کیے جا رہے ہیں۔

العربیہ نیوز کے مطابق مسجد حرام اور مسجد نبوی کے امور کے سربراہ شیخ عبد الرحمان السدیس نے اعلان کیا ہے کہ رمضان کے بابرکت مہینے میں زائرین اور نمازیوں کی کثرت کے پیش نظر مسجد الحرام کی چھت پر بھی نماز ادا کی جائے گی۔

شیخ عبدالرحمان السدیس نے مزید کہا کہ اس حوالے سے تمام آپریشنل اور تکنیکی خدمات فراہم کر دی گئی ہیں اور ماہ رمضان میں عبادت گزاروں اور معتمرین کی بڑی تعداد کو کنٹرول کرنے کے لیے ’خصوصی کیڈرز‘ بھی تیار کیے گئے ہیں۔

علاوہ ازیں رمضان المبارک کے بابرکت مہینے کے اختتام پر مسجد الحرام میں شاہ فہد توسیع، پہلی منزل کے عقب اور ہال میں اعتکاف کے لیے 2500 مقامات تیار کیے گئے ہیں۔

شیخ عبدالرحمان السدیس نے مزید کہا کہ اعتکاف کے لیے مختص مقامات پر معتکفین کے لیے تمام خدمات اور سہولیات فراہم کی گئی ہیں۔