امیر جماعت اسلامی کراچی حافظ نعیم الرحمان نے کہا ہے کہ پیپلز پارٹی کو کسی صورت کرپٹ میئر نہیں لانے دینگے۔

تفصیلات کے مطابق پریس کانفرنس کرتے ہوئے حافظ نعیم الرحمان کا کہنا تھا کہ کراچی کے لوگ بے وقوف نہیں ہیں ، اگر  11 سیٹوں پر اگر لوگ نکلیں گے تو جماعت اسلامی کراچی کے لوگوں کا مقدمہ لڑے گی، جماعت اسلامی پورے واضح مشن کے ساتھ آئی ہے ۔

انہوں نے کہا کہ پاکستانی عوام اس وقت بدترین مہنگائی سے دوچار ہیں اور ہمارا مطالبہ ہے کہ مہنگائی کے عذاب سے لوگوں کو بچایا جائے اور جو لوگ بجلی گیس کی مراعات حاصل کررہے ہیں اسے کٹ کیا جائے تو منہگائی خود بہ خود ختم ہو جائے گی ۔

انہوں نے مزید کہا کہ بلدیاتی الیکشن میں وہ تمام یوسیز جن میں جماعت اسلامی نے واضح برتری لی انکے نتائج درست نہیں کئے جارہے ہیں جبکہ الیکشن کمیشن نے ان چھ یوسیز کو ریکاونٹ کرنے کو کہا تھا جسکے نتائج درست کرنے تھے ۔

امیر جماعت اسلامی کراچی کا کہنا تھا کہ کراچی کے حق پر ڈاکہ ڈالا جارہا ہے، 09 یوسیز کا نتیجہ تبدیل کردیا گیا ہے  اور ہم الیکشن کمیشن کے فیصلے کو عدالت میں چیلیج کرنے جا رہے ہیں ۔

ان کا کہنا تھا کہ پیپلز پارٹی سمجھتی ہے کہ الیکشن کمیشن کے ساتھ مل کر اکثریت حاصل کریگی تو ایسا نہیں ہونے دینگے،  پیپلز پارٹی کو کسی صورت انکا کرپٹ میئر لانے نہیں دینگے ۔

انہوں نے کہا کہ کراچی کے عوام سے کہتا ہوں ہماری پشت پر کھڑے ہوں یہ ہماری ذاتی جنگ نہیں ہے، پندرہ سال سے کراچی کے شہری تمام بنیادی سہولیات سے محروم ہیں اور15 سال سے جو سندھ کو اجاڑ رہے ہیں وہ کراچی میں میئر لاکر قبضہ کرنا چاہتے ہیں ۔