آج ہم آپکو لال بیگوں سے نجات حاصل کرنے کے چند طریقے بتائیں گے۔

بورک ایسڈ

بورک ایسڈ کو لال بیگوں کے خلاف انتہائی مؤثر تصور کیا جاتا ہے۔

اس مقصد کے لیے بورک ایسڈ کے پاؤڈر کی کچھ مقدار کو گھر کے کونوں اور فرش پر چھڑک کر چھوڑ دیں، اس سے لال بیگوں کا خاتمہ ہو جائے گا۔

بیکنگ سوڈا

بیکنگ سوڈا اور چینی کو ملا کر لال بیگ کا خاتمہ ممکن ہے۔

اس مقصد کے لیے چینی اور بیکنگ سوڈا کو ملائیں اور پھر اس مکسچر کو گھر کے کونوں اور ان جگہوں پر چھڑک دیں جہاں لال بیگ زیادہ نظر آتے ہیں۔

نیم

نیم کے تیل یا پاؤڈر سے بھی ان کیڑوں کو ختم کرنے میں مدد مل سکتی ہے۔

ایک اسپرے بوتل میں نیم کے تیل کی تھوڑی سی مقدارکو پانی میں ملائیں اور اس مکسچر کو ان جگہوں پر اسپرے کریں جہاں لال بیگ زیادہ نظر آتے ہیں۔

اگر نیم کے پاؤڈر کا استعمال کرنا چاہتے ہیں تو اسے رات کے وقت متاثرہ حصوں پر چھڑک دیں اور صبح یہ عمل پھر دہرائیں۔

پودینے کا تیل

پودینے کا تیل بھی ان کیڑوں سے نجات کے لیے بہترین ثابت ہو سکتا ہے۔

پودینے کے تیل کی کچھ مقدار کو نمک ملے پانی میں ملائیں اور پھر اس محلول کو گھر کے متاثرہ حصوں پر اسپرے کریں۔

مگر یاد رکھیں کہ راتوں رات لال بیگ ختم نہیں ہوں گے بلکہ کئی بار اس عمل کو دہرانے پر ہی بہترین نتیجہ سامنے آئے گا۔

لیموں کا عرق

لیموں کے عرق کی مہک ہمیں تو اچھی لگتی ہے مگر لال بیگ اسے پسند نہیں کرتے۔

2 سے 3 کھانے کے چمچ لیموں کے عرق کو پانی سے بھری ایک بالٹی میں ملا کر مکس کریں اور پھر گھر کے متاثرہ حصے کو اس سے دھو لیں۔