ٹائٹن آبدوز سانحہ سے متعلق فیس بک پر 10 سال پرانی پوسٹ نے سب کو حیران کردیا ہے۔

فیس بک پر سال 2013 میں کی جانے والی ایک پوسٹ وائرل ہو رہی ہے جو ٹائٹن آبدوز کے زیر آب لاپتہ سانحے سے ملتے جلتے خوفناک سانحے سے ملتی جلتی ہے۔

مذکورہ پوسٹ یکم نومبر 2013 کو کی گئی تھی جس میں ڈیبورا نے ایک خواب کے بارے میں بتایا کہ میں نے خواب میں دیکھا کہ ایک ارب پتی شخص ماضی میں ڈوب جانے والے ٹائٹینک کا ملبہ دیکھنے کیلئے آبدوز کا سفر کرتا ہے۔

پوسٹ میں یہ بھی کہا گیا ہے کہ آبدوز نے پانی کی تہہ میں کچھ ہی فاصلہ طے کیا اور وہ اپنے پہلے سفر کے شروع ہوتے ہی تباہ ہوگئی۔

اس نے مشورہ دیا تھا کہ اس موضوع پر ایک اچھی فلم بنائی جاسکتی ہے۔

واضح رہے کہ ٹائٹن آبدوز کے لاپتہ ہونے کی خبر 18 جون کو سامنے آئی تاہم تقریباً چار دن کی مسلسل تلاش کے بعد امریکی کوسٹ گارڈ کو ٹائٹینک کے ملبے کے قریب کچھ ملبہ ملا جس سے اس بات کی تصدیق ہوئی کہ آبدوز میں سوار پانچوں افراد ہلاک ہوچکے ہیں۔

خیال رہے کہ بحراوقیانوس میں ٹائی ٹینک کی باقیات دیکھنے کیلئے جانے والے سیاحوں کی لاپتا آبدوز ٹائٹین کا ملبہ ملنے کے بعد آبدوز کی مالک کمپنی اوشین گیٹ نے اس میں سوار2  پاکستانیوں سمیت پانچوں افراد کی موت کی تصدیق کردی ہے۔

امریکی بحریہ کے ایک سینئر اہلکار نے دعویٰ کیا ہے کہ بحر اوقیانوس میں گم ہوجانے والی آبدوز ٹائٹین لاپتا ہونے کے فوراً بعد ہی تباہ ہوگئی تھی۔