بالی ووڈ کے نامور اداکار رنویر سنگھ جو آج اپنی 38ویں سالگرہ منا رہے ہیں، نے دیپیکا کی جانب سے کی جانے والی عجیب و غریب خواہش کے متعلق اہم انکشاف کیا ہے۔

ایک انٹرویو میں اداکار سے ان کی اہلیہ دیپیکا پڈوکون کی جانب سے بتائی گئی ایک خواہش کے متعلق سوال کیا گیا تھا اور یہ انٹرویو سال 2015 میں ہوا تھا جو کہ آج ان کی سالگرہ کے موقع پر کافی وائرل ہورہا ہے۔

انٹرویو کے دوران اداکار سے دیپیکا پڈوکون سے باجی راؤ مستانی کے سیٹ پر اپنی درخواست کا انکشاف کرنے کے بارے میں پوچھا گیا تھا جو اداکارہ نے  فلم 2015 باجی راؤ مستانی کے سیٹ پر کی تھی۔

اس کے تبصرے کا جواب دیتے ہوئے، رنویر نے مراٹھا سلطنت کے پیشوا باجی راؤ اول پر مبنی اپنے کردار میں آنے کے لیے اپنے ‘بہت مشکل عمل’ کے بارے میں بات کی۔

رنویر سے 2015 کے ایک انٹرویو میں دیپیکا پڈوکون کے اس بیان کے بارے میں پوچھا گیا تھا جس میں انہوں نے کہا تھا کہ رنویر چاہتے ہیں کہ لوگ انہیں باجی راؤ مستانی کے سیٹ پر باجی راؤ کے نام سے پکاریں۔ اس سوال کے جواب میں کہ کیا اس سے ان کی مدد ہوئی، رنویر نے کہا کہ یہ ‘ایک عجیب و غریب درخواست’ تھی، لیکن اس نے واقعی ان کی مدد کی۔

اداکار نے بتایا تھا کہ، “اس طرح کے الگ کردار میں آنا بہت مشکل عمل ہے، اس سے پہلے میں نے کبھی اپنے کردار کے لئے تیار ہونے میں آدھے گھنٹے سے زیادہ کا وقت نہیں لیا تھا پر اس کردار کے لئے تیار ہونے میں مجھے 2 گھنٹے درکار ہوتے تھے۔‘‘

دپیکا پڈوکون اور رنویر سنگھ کی ایک ساتھ پہلی فلم گولیوں کی راسلیلا رام لیلا تقریباً 10 سال قبل ریلیز ہوئی تھی۔ 2015 میں، ان کی دوسری فلم باجی راؤ مستانی ریلیز ہوئی ، جس کی ہدایت کاری بھی سنجے لیلا بھنسالی نے کی تھی۔ اس فلم میں دیپیکا نے باجی راؤ کی دوسری بیوی، مستانی کا کردار ادا کیا، جب کہ پریانکا چوپڑا، باجی راؤ کی پہلی بیوی، کاشی بائی کے طور پر نظر آئیں۔

دیپکا اور رنویر کی تیسری فلم پدماوت، جس میں شاہد کپور بھی تھے، جنوری 2018 میں ریلیز ہوئی تھی۔