حافظ نعیم الرحمان کا کہنا ہے کہ کچھ گھوسٹ ملازمین کسی وزیرکے ہاں کام کرتے ہیں ایسے لوگوں کے بارے میں کچھ پتا چلے تو کچھ کیا جائے۔ 

امیرجماعتِ اسلامی کراچی نے میڈیا سے گفتگو کرتے ہوئے کہا کہ بے شمار گھوسٹ ملازمین جو کے ایم سی میں رکھے ہوئے ہیں۔  کے ایم سی کاپورا سسٹم موجود ہے، افسران موجود ہیں۔ مرتضیٰ وہاب اختیارات نچلی سطح پر دینے کو تیار نہیں۔

حافظ نعیم الرحمان نے کہا کہ کراچی کےافسران کوکےایم سی اورڈی ایم سی سےبےدخل کردیاجائیگا۔ بلدیاتی امیدواروں کو اختیارات نہیں دیے جارہے۔ نئی یوسیز کے مطابق جو آفس ہونے چاہیئں وہ موجود نہیں۔

انھوں نے کہا کہ ٹاؤن کے چیئرمین کو گاڑیا ں نہیں دے رہےہیں، کچھ گھوسٹ ملازمین کسی وزیر کے ہاں کام کرتے ہیں۔ ایسے لوگوں کے بارے میں پتا چلےتو کچھ کیاجائے۔

حافظ نعیم الرحمٰن نے کہا ہے کہ جماعت اسلامی کے منتخب چیئرمین اور وائس چیئرمین کو مسائل درپیش ہیں۔ کچرے کی پیدوار زیادہ ہے اور گاڑیاں کم ہیں، کچرا اٹھانے کا کام ٹھیک طرح سے کیا جائے، سندھ حکومت اختیارات پر قابض ہو کر ناانصافی کر رہی ہے۔

 ان کا کہنا ہے کہ گھوسٹ ملازمین ابھی بھی چل رہے ہیں، تنخواہ ٹاؤنز سے جا رہی ہے مگر کام نہیں ہو رہا، یوسی سطح پر کچرا نہیں اٹھایا جا رہا ہے، سندھ سولڈ ویسٹ مینجمنٹ کا عملہ گھروں سے کچرا نہیں اٹھا رہا، لوگ پیسے دے کر کچرا اٹھوا رہے ہیں۔ پیپلز پارٹی کے ٹاؤنز میں بھی جا کے دیکھیں کہ کتنا کام ہوا ہے، نالوں میں بارش کے پانی کے نکاس کے راستے بند ہیں، انٹر لنک نالوں کا برا حال ہے، کچرے سے بھرے ہیں۔