گلستان جوہرمیں خاتون کوہراساں کرنے کے معاملے پر پولیس نے ملزم کی گرفتاری پرانعام کا اعلان کردیا۔

تفصیلات کے مطابق گلستان جوہرکراچی میں خاتون کو ہراساں کرنے کے معاملے میں پولیس کی جانب سے ملزم کی گرفتاری میں مدد دینے والے کوانعام دینے کا اعلان کردیا ہے۔

پولیس حکام نے اوباش ملزم کی نیم واضح تصویربھی جاری کردی اور کہا ہے کہ ملزم کی گرفتاری پر 2لاکھ روپے انعام دیا جائے گا۔

پولیس حکام کا کہنا ہے کہ پولیس کی مدد کرنے والے شخص کا نام صیغہ راز میں رکھا جائے گا، شہری 03325837242 اور 03202069590 پر فون کرسکتے ہیں۔

دوسری جانب ملزم کی گرفتاری پولیس کےلیےبڑاچیلنج بن گئی۔ پولیس نےتاحال کہاں تفتیش کی؟بول نیوزنےپتالگالیا۔

تفتیشی ذرائع کا کہنا ہے کہ پولیس نےپانچ روزمیں علاقے کی 97ماسیاں کےبیانات قلمند کرلیے، علاقے کے چوکیداروں سمیت 31 افراد کو شامل تفتیش کیا گیا۔ علاقے میں نصب 190سی سی ٹی وی کیمروں کی فوٹیج بھی حاصل کرلی۔

سی سی ٹی وی کیمروں کی فوٹیج سےبھی پولیس ملزم کاتاحال سراغ نہیں لگاسکی، کچھ فوٹیج میں راہگیرمتاثرہ خاتون کےقریب سےملزم کوگزرتےدیکھاگیاہے۔

تفتیشی ذرائع کے مطابق ایک فوٹیج میں متاثرہ خاتون کوجنرل اسٹورپرکھڑےدیکھاگیا۔ جنرل اسٹورپرموجودگی کےدران راہگیرخاتون نےملزم کی جانب متعددباردیکھا۔

تفتیشی ذرائع نے دعوی کیا ہے کہ فوٹیج سےشبےہےکہ متاثرہ خاتون ملزم کوجانتی ہو۔ فرارملزم گلستان جوہرکاہی رہائشی معلوم ہوتاہے۔ تحقیقات کےلیےپولیس کی تین ٹیمیں متحرک ہیں۔ لیڈی پولیس کی ایک خصوصی ٹیم بنائی گئی ہے۔