وزیر اعلیٰ سندھ سید مراد علی شاہ  نے کہا ہے کہ ایران سے آئے لوگ پاکستان کے لئے خطرہ ہیں،  تعلیمی ادارے بند کرنے کا مقصد جو لوگ  ایران سے آئے ہیں اور اپنے بچوں سے ملے ہیں انکی تشخیص کرنا ہے۔

تفصیلات کے مطابق وزیر اعلیٰ سندھ سید مراد علی شاہ کی زیر صدات کورونا وائرس ٹاسک فورس پر لگاتا چوتھے روز اجلاس ہوا، جس میں وزیراعلیٰ سندھ نے کرونا وائرس کے پیش نظر 13 مارچ تک تمام تعلیمی ادارے بند رکھنے کا فیصلہ کیا ہے ۔

اجلاس میں آگاہ کیا گیا کہ 5 سیمپلز میں سے ایک نیگیٹو ہے باقی 4 سیمپلز کا رزلٹ ابھی آنا ہے

ترجمان وزیراعلیٰ سندھ نے اجلاس کو بتایا کہ اس وقت تک کراچی میں 738 مسافر آ چکے ہیں جبکہ تافتان میں 13 ہزار 98 ہو چکے ہیں۔

13 مارچ تک تمام تعلیمی ادارے بند ہونے سے جو 14 دن کا آئیسولیشن کا مدہ ہے وہ بھی مکمل ہو جائے گا۔

اس موقع پر وزیراعلیٰ سندھ نے سیکریٹری تعلیم، سیکریٹری کالج ایجوکیشن اور سیکریٹری یونیورسٹی اینڈ بورڈز کو نوٹیفکیشن جاری کرنے کی ہدایت دیدی ۔

ایران سے آئے لوگوں نے پاکستان کے تعلیمی ادارے بند کردئے

مراد علی شاہ  نے کہا کہ اسکول بند کرنے کا مقصد جو لوگ  یران سے آئے ہیں اور اپنے بچوں سے ملے ہیں انکی تشخیص کرنا ہے جبکہ 13 مارچ تک تمام تعلیمی ادارے بند ہونے سے جو 14 دن کا آئیسولیشن کا مدہ ہے وہ بھی مکمل ہو جائے گا۔

وزیر اعلیٰ سندھ سید مراد علی شاہ  نے مزید کہا کہ دوران  جو لوگ ایران سے ہوکر آئے ہیں ان کی اور انکے خاندان کی ضروری ہیلتھ انویسٹی گیشن ہو جائے گی۔

  اجلاس میں چیف سیکریٹری، وزیر صحت، وزیر بلدیات، وزیر تعلیم، مشیر قانون، کمشنر کراچی، ڈبلیو ایچ او، ایف آئی اے، ایئرپورٹ انتظامیہ سی اے اے، نادرا کے نمائندے، آغا خان اسپتال کے ڈاکٹر فیصل، انڈس اسپتال کے ڈاکٹر باری شریک ہوئے۔