امریکہ کے شہر فلوریڈا میں حال ہی میں ایک 22 سالہ لڑکے نے 19 فٹ لمبا اور 125 پاؤنڈ (56.6 کلوگرام) وزنی برمی اژدھا پکڑا۔

تفصیلات کے مطابق 19 فٹ لمبے برمی اژدھا پکڑنے والے 22 سالہ لڑکے کا کہنا تھا کہ اگرچہ رینگنے والے جانور کو پکڑنا ایک ‘خواب’ تھا، لیکن اس کے بڑے سائز کو دیکھتے ہوئے یہ پورا واقعہ حیرت انگیز تھا۔

اوہائیو اسٹیٹ یونیورسٹی کے ایک طالب علم جیک ولیری نے پیر کے روز ایک اژدھے کو پکڑ لیا، جس کی لمبائی ایک بالغ زرافے کے برابر تھی۔

امریکی اخبار کے مطابق وہ رینگنے والے جانور کی پیمائش جمع کرنے کے لیے اسے جنوب مغربی فلوریڈا کے کنزروینسی لے گئے۔ اس سے قبل فلوریڈا میں پکڑا جانے والا سب سے بڑا برمی اژدھا اکتوبر 2020 میں پکڑا گیا تھا جس کی پیمائش 18 فٹ اور نو انچ تھی۔

مسٹر ولیری کی جانب سے انسٹاگرام پر شیئر کی گئی ایک ویڈیو میں دیکھا جا سکتا ہے کہ اژدھا اس کی طرف جھک رہا ہے اور لڑکا اس کی دم پکڑ کر سڑک پر گھسیٹ رہا ہے۔

لڑکے اور اژدھے کے درمیان یہ جنگ کچھ دیر چلتی ہے جس کے کچھ سیکنڈ بعد، کئی دوسرے لوگ بھی اس سانپ کو پکڑنے میں 22 سالہ نوجوان کی مدد کرنے کے لئے شامل ہو جاتے ہیں۔

ویلری نے جنوب مغربی فلوریڈا کے کنزروینسی کو بتایا کہ ہم سانپ کو سرکاری طور پر پیمائش اور دستاویزی شکل دینے کے لیے کنزروینسی میں لائے تھے اور ہم اس دریافت کو سائنس کے لئے عطیہ کرنا چاہتے ہیں۔.

طالب علم جیک ولیری کا کہنا تھا کہ جنوبی فلوریڈا کے ماحول پر اثر انداز ہونے کے قابل ہونا حیرت انگیز ہے۔ ہم اس ماحولیاتی نظام سے محبت کرتے ہیں اور اسے ہر ممکن حد تک محفوظ رکھنے کی کوشش کرتے ہیں۔