الاسکا زلزلے کے جھٹکوں سے لرز اٹھا، سونامی کی وارننگ واپس لے لی گئی

ویب ڈیسک

16th Jul, 2023. 08:08 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

الاسکا زلزلے کے جھٹکوں سے لرز اٹھا، سونامی کی وارننگ واپس لے لی گئی

بین الاقوامی خبر رساں اداروں کی خبر کے مطابق جزیرہ نما الاسکا میں طاقتور زلزلے کے جھٹکے محسوس کئے گئے۔

تفصیلات کے مطابق امریکی جیولوجیکل سروے (یو ایس جی ایس) کے مطابق جزیرہ نما الاسکا میں 7.4 شدت کے زلزلے کے جھٹکے محسوس کیے گئے۔

زلزلے کے بعد امریکی ریاست کے کچھ علاقوں میں سونامی کی وارننگ جاری کی گئی تھی، جسے واپس لے لیا گیا ہے۔

یو ایس جی ایس کے مطابق زلزلے کا مرکز زمین سے 9.3 کلومیٹر نیچے کی گہرائی میں تھا۔

الاسکا زلزلہ مرکز کا کہنا ہے کہ زلزلے کے جھٹکے جزیرہ نما الاسکا، جزائر ایلیوٹیئن اور کک انلیٹ کے علاقوں میں محسوس کیے گئے۔

فوری طور پر کسی جانی یا مالی نقصان کی اطلاع نہیں ہے۔

یاد رہے کہ الاسکا میں مارچ 1964 میں 9.2 شدت کا زلزلہ آیا تھا جو شمالی امریکہ میں ریکارڈ کیا گیا سب سے طاقتور زلزلہ تھا۔

اس خوفناک زلزلے نے اینکرج کو تباہ کر دیا تھا اور سونامی کا آغاز کیا جس نے خلیج الاسکا، امریکہ کے مغربی ساحل اور ہوائی کو اپنی لپیٹ میں لے لیا۔

زلزلے اور سونامی سے 250 سے زائد افراد ہلاک ہوئے تھے۔