ترک صدر نے سعودی ولی عہد کو الیکٹرک کار تحفے میں دے دی
ترک صدر رجب طیب اردگان نے سعودی ولی عہد شہزادہ محمد بن سلمان کو ترک ساختہ الیکٹرک کار تحفے میں دے دی۔
بین الاقوامی خبر رساں ادارے کے مطابق ترکیہ کے صدر رجب طیب اردگان کی جانب سے سعودی ولی عہد شہزادہ محمد بن سلمان کو ترکیہ کی تیار کردہ پہلی الیکٹرک کار تحفے میں دی گئی۔
شہزادہ محمد بن سلمان نے رجب طیب اردگان کو الیکٹرک کار میں بٹھا کر خود ڈرائیونگ کرتے ہوئے انہیں ان کی رہائش گاہ تک پہنچایا اور الیکٹرک کار بطور تحفہ دینے پر شکریہ ادا کیا۔
واضح رہے کہ ترک صدر رجب طیب اردگان سعودی عرب کے دورے پر ہیں جس میں دو طرفہ تعلقات کو مستحکم بنانے پر اتفاق کیا گیا۔
دونوں ممالک کی کابینہ کے اراکین نے مختلف معاہدوں اور یاداشتوں پر دستخط بھی کیے جن میں توانائی کے علاوہ دفاعی صنعتوں کے قیام اور ان میں سرمایہ کاری کا منصوبہ سرفہرست ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
