فیس بک صارفین کے لئے بڑی خوشخبری

ویب ڈیسک

18th Jul, 2023. 03:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فیس بک صارفین کے لئے بڑی خوشخبری

فیس بک نے اپنے صارفین کو بڑی خوشخبری سُنادی ہے۔

سوشل میڈیا ایپ فیس بک کی جانب سے ویڈیوز کے لیے نئے فیچرز پیش کرنے کا اعلان کردیا گیا۔

فیس بک نے اپنے ویڈیو سیکشن میں ’فیس بک واچ‘ کا نام تبدیل کر کے صرف ’ویڈیوز‘ کردیا جبکہ اسی سیکشن میں ایک نئے سیکشن ’ایکسپلورر‘ کا بھی جلد اضافہ کردیا جائے گا۔

ایکسپلورر میں صارفین ٹرینڈنگ ویڈیوز دیکھ سکیں گے، ساتھ ہی مذکورہ سیکشن میں پلیٹ فارم کی جانب سے تجویز کردہ ویڈیوز بھی ہوں گی۔

اسی طرح فیس بک کی جانب سے ’ویڈیو‘ سیکشن کو مزید بہتر بنا کر ہر طرح کی ویڈیوز کو ایڈٹ کرنے کا فیچر بھی پیش کیا جائے گا۔

اس وقت اگرچہ فیس بک پر ریلز کو ایڈٹ کرنے کا آپشن موجود ہے تاہم جلد ہی پلیٹ فارم پر طویل دورانیے کی ویڈیوز کو بھی ایڈٹ کرنے کا فیچر پیش کردیا جائے گا۔

فیس بک کا منصوبہ ہے کہ پلیٹ فارم پر ویڈیو کے سیکشن کو سوشل شیئرنگ ایپلی کیشن انسٹاگرام کی طرح بنایا جائے جو کہ ٹک ٹاک کی کاپی ہے۔

فیس بک پر ریلیز اور ویڈیوز دیکھنے میں ہوشربا اضافہ ہوا ہے، جس کے بعد کمپنی پلیٹ فارم پر ویڈیوز کے سیکشن کو مزید بہتر بنانے کے لیے پر عزم ہے۔