سندھ اور بلوچستان کی انڈسٹری کے لیے بری خبر سامنے آگئی، سوئی سدرن کی نااہلی کے باعث کراچی سمیت سندھ اور بلوچستان کی صنعتوں کو دیگر صوبوں کے مقابلے میں مہنگی آر ایل این جی خریدنا پڑے گی۔
ترجمان اوگرا کا کہنا ہے کہ ایس ایس جی سی کے ڈسٹری بیوشن نیٹ ورک میں یو ایف جی نقصان کی وجہ سے آر ایل این جی کی قیمت میں اضافہ کیا گیا ہے۔
ترجمان اوگرا کا یہ بھی کہنا ہے کہ ایس این جی پی ایل کیلئے جون میں 12.71 ڈالر کے مقابلے میں قیمت کم ہوکر 12.64 ڈالر ہوئی جبکہ ایس ایس جی سی کے لیے جون میں12.94 ڈالر کے مقابلے میں قیمت بڑھا کر 13.13 ڈالر ایم ایم بی ٹی یو ہوگئی۔
کمپنی فنا نشل رپورٹ کے مطابق2020-21 میں ایک ارب 90 کروڑ منافع دینے والی کمپنی کو صرف ایک سال میں 8 سے 10 ارب روپے خسارے کا خدشہ ہے، 2021 -22 کے ابتدائی 9 ماہ میں 5 ارب روپے سے زائد کا خسارہ ہوچکا ہے۔
کمپنی فنا نشل رپورٹ میں مزید کہا گیا ہے کہ 9 ماہ میں یو ایف جی بھی 2 فیصد اضافے سے 19 فیصد کی بلند ترین شرح پر آگئی ہے۔ مالی خسارے،گیس چوری اور ضائع ہونے سے 2021 -22 کا خسارہ 8 سے 10 ارب رہنے کا امکان ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
