عام انتخابات؛ جے یو آئی کا کسی جماعت سے اتحاد نہ کرنے کا فیصلہ

ویب ڈیسک

19th Jul, 2023. 11:33 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عام انتخابات؛ جے یو آئی کا کسی جماعت سے اتحاد نہ کرنے کا فیصلہ

جمعیت علمائے اسلام (ف) کی جانب سے آئندہ عام انتخابات میں کسی سیاسی جماعت سے اتحاد نہ کرنے کا فیصلہ کیا گیا ہے۔

اس حوالے سے جمعیت علمائے اسلام (جے یو آئی) ف کے ترجمان اسلم غوری نے بتایا کہ پی ڈی ایم ایک تحریک کا نام تھا جو گزشتہ حکومت کے خاتمے کے لیے بنائی گئی تھی۔

ترجمان جے یو آئی ف نے کہا کہ پی ڈی ایم ایک انتخابی اتحاد نہیں تھا، پی ڈی ایم نے اپنا ٹارگٹ حاصل کر لیاتھا۔پی ڈی ایم جماعتیں آئندہ انتخابات میں سیٹ ایڈجسٹمنٹ کر سکتی ہیں۔

اسلم غوری نے مزید کہا کہ جمعیت علمائے اسلام کی اپنی ایک شناخت ہے، سیٹ ایڈجسٹمنٹ ان جماعتوں سے کریں گے جنہوں نے گزشتہ حکومت میں ہمارے ساتھ قربانیاں دیں۔

اس سے چند روز قبل مسلم لیگ ن نے کسی جماعت سے اتحاد نہ کرنے کا فیصلہ کیا تھا تاہم اس حوالے سے ذرائع نے بتایا تھا کہ الیکشن میں ٹکٹ کے لیے پہلی ترجیح ن لیگ کے وفادار ہوں گے۔

یہ بھی پڑھیں: نواز شریف کا انتخابی ٹکٹوں کی تقسیم میں شفافیت کے لئے اہم قدم

ذرائع کے مطابق الیکٹیبلز، تحریک انصاف کا مقابلہ کرنے والے تجربہ کار اور نوجوان اراکین کو بھی ٹکٹس ملیں گے جبکہ استحکام پاکستان پارٹی، ق لیگ، جے یو آئی اور پیپلز پارٹی سے سیٹ ایڈجسٹمنٹ کا فیصلہ نواز شریف کریں گے۔

ذرائع کا کہنا تھا کہ ن لیگ نے کسی بھی جماعت کو مخصوص تعداد میں نشستوں کی پیش کش نہ کرنے کا بھی فیصلہ کیا ہے۔

ذرائع کے مطابق کے پی کے میں بھی سیٹ ایڈجسٹمنٹ کے لئے پاکستان ڈیموکریٹ موومنٹ (پی ڈی ایم) کے سربراہ مولانا فضل الرحمان سے مذاکرات کیے جائیں گے۔