پاکستان کی معروف ٹک ٹاکر جنت مرزا کا کہنا ہے کہ ٹک ٹاکر نہیں بننا چاہتی تھی۔
حال ہی میں معروف ٹک ٹاک اسٹار نے ایک انٹرویو کے دوران اپنی نجی زندگی سے متعلق کئی انکشافات کیے۔
انہوں نے کہا کہ وہ ایک پولیس آفیسر بننا چاہتی تھیں کیونکہ ان کے والد انجم کمال ایک اعلیٰ پولیس آفیسر ہیں۔ انہیں سرکاری ملازم، گاڑیاں اور دیگر سہولیات حاصل ہیں، میں بھی بالکل ویسا ہی اپنا لائف اسٹائل چاہتی تھی۔
جنت مرزا نے کہا کہ یہی وجہ ہے کہ میری خواہش تھی کہ میں بھی پولیس آفیسر بنوں یا پھر کسی پولیس اہلکار سے شادی کروں تاکہ یہ سب سہولیات مجھے بھی حاصل ہو سکیں۔ مگر میری بہن علشبہ کو ٹک ٹاک ویڈیوز بنانے کا جنون کی حد تک شوق تھا جس کی وجہ سے پورے گھر میں یہ ویڈیو ز بناتی پھرتی تھی۔
ٹک ٹاکر نے کہا کہ ایک دن میں نے بھی اس کے ساتھ ویڈیو بنا کر اپلوڈ کر دی پھر مڑ کر دوبارہ کبھی اس ایپلیکشن کو کھول کر نہیں دیکھا۔
انہوں نے کہا کہ اس کے بعد رشتےداروں کے پاس فیملی کے ساتھ جاپان چلی گئی وہاں سے واپسی پر سفر کے دوران ہی میں نے یہ ایپ دوبارہ کھولی تو حیران رہ گئی کیونکہ اس ویڈیو پر لاکھوں ویوز تھے۔ لوگ کمینٹس میں کہنے لگے کہ آپ مزید ویڈیو بھی بنائیں۔
جنت مرزا نے کہا کہ یوں میرا سوشل میڈیا پر آنا ہوا۔ مگر میری عادت ہے کہ میں کم بولتی ہوں اس وجہ سے زیادہ تر لوگ سمجھتے ہیں کہ مجھ میں نخرہ بہت ہے لیکن ایسا کچھ نہیں اور جب بھی کہیں مجھے کسی فنکشن یا پھر دعوت میں جانا ہوتا ہے تو خود کو ذہنی طور پر پہلے تیار کرتی ہوں کہ وہاں جا کر مجھے سب کے ساتھ گھل مل کر رہنا ہوگا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News