نائیجیریا کے ایک شخص نے ایک ہفتے تک رو کر گنیز ورلڈ ریکارڈ بنانے کی کوشش کی لیکن چیلنج کے دوران وہ عارضی طور پر اندھا ہو گیا ہے۔

دنیا بھر میں لوگ نام بنانے، وائرل ہونے اور ریکارڈ بنانے کے لئے نت نئے اور آسان طریقوں کا استعمال کر رہے ہیں جس سے کبھی کبھی ان کی اپنی ذات بھی متاثر ہوتی ہے اور وہ عمل ان کے لئے شدید تکلیف کا باعث بن جاتا ہے۔

ایسا ہی نائیجیریا میں ہوا جب ایک ٹیمبو نامی شخص نے مسلسل رونے کا ریکارڈ بنانے کا اعلان کیا۔

ایک نائیجیرین شخص جس نے گنیز ورلڈ ریکارڈ کی کوشش کے طور پر ایک ہفتے تک خود کو رونے پر مجبور کیا جس کی وجہ سے وہ چیلنج کے دوران عارضی طور پر نابینا ہو گیا اور اسے سر میں درد اور آنکھوں اور چہرے کی سوجن کا سامنا کرنا پڑا۔

ٹیمبو ایبیرے اپنے سوشل میڈیا پروفائلز پر ایک مزاحیہ اداکار ہونے کا دعویٰ کرتے ہیں اور اپنے اس اقدام کے حوالے سے بھی اپنے ٹک ٹاک فالورز کو انہوں نے آگاہ کیا تھا۔

ٹیمبو ریکارڈ بنانے کی اپنی مسلسل کوشش کے باوجود ناکام رہے کیونکہ انہیں ریکارڈ حاصل کرنے کے لئے مسلسل ایک ہفتے تک رونا تھا لیکن انہوں نے سر میں شدید درد کے باعث یہ عمل درمیان میں ہی ترک کردیا  تھا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں