بلاول بھٹو نے خارجہ امور میں اپنی صلاحیت کا لوہا منوا لیا ہے، شازیہ مری

ویب ڈیسک

23rd Jul, 2023. 06:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بلاول بھٹو نے خارجہ امور میں اپنی صلاحیت کا لوہا منوا لیا ہے، شازیہ مری

شازیہ مری نے کہا ہے کہ بلاول بھٹو زرداری نے خارجہ امور میں اپنی صلاحیت کا لوہا منوا لیا ہے۔

تفصیلات کے مطابق وفاقی وزیر اور ترجمان پیپلزپارٹی پارلیمنٹیرینز شازیہ مری نے اپنے ایک بیان میں کہا کہ پاکستان پیپلزپارٹی پارلیمنٹیرینز نے انتخابات میں جانے کی تیاری مکمل کر رکھی ہے۔

انہوں نے کہا کہ اسمبلی کی مدت پوری اور انتخابات آئین کے مطابق کرائے جانے کے حامی ہیں، صدر آصف علی زرداری کی کوششوں سے تیسری اسمبلی اپنی مدت پوری کر رہی ہے۔

شازیہ مری نے یہ بھی کہا کہ پیپلزپارٹی کا ہر کارکن بلاول بھٹو زرداری کا سفیر ہےجبکہ وزیراعظم بلاول عوام کا مقبول نعرہ بن چکا ہے ، صدر زرداری کی قیادت میں بلاول بھٹو زرداری کی فتح عوام کی ہوگی۔

ان کا کہنا تھا کہ چیئرمین بلاول بھٹو زرداری نے خارجہ امور میں اپنی صلاحیت کا لوہا منوا لیا ہے جبکہ چیئرمین بلاول بھٹو زرداری نے پاکستان سے خفا مملکت کو پاکستان کا دوست بنا لیا ہے۔

وفاقی وزیر اور ترجمان پیپلزپارٹی پارلیمنٹیرینز شازیہ مری کا مزید کہنا تھا کہ چیئرمین بلاول بھٹو زرداری نوجوانوں کے شاندار مستقبل کی ضمانت ہے، بینظیر انکم سپورٹ پروگرام کا دائرہ وسیع ہوگا ریاست کے ثمرات غریبوں تک پہنچائے جائیں گے۔