اسلام آباد: وفاقی حکومت نے ملک میں آن لائن سرگرمیوں اور سائبر کرائم کی مانیٹرنگ کے لیے پی ٹی اے طرز کی الگ ریگولیٹری اتھارٹی بنانے کا فیصلہ کیا ہے جبکہ حکومت نے ویب سائٹس، ویب چینلز اور یوٹیوب چینلز کی رجسٹریشن کا فیصلہ بھی کرلیا ہے۔

وزارت انفارمیشن ٹیکنالوجی حکام کے مطابق وزارت آئی ٹی اینڈ ٹیلی کام نے بل اصولی منظوری کیلئے کابینہ کو بھجوا دیا تاہم وفاقی کابینہ ای تحفظ اتھارٹی بل کی منظوری دے گی۔

حکام نے بتایا کہ تمام ویب سائٹس کی مانیٹرنگ ای سیفٹی اتھارٹی کرے گی جبکہ ویب سائٹس کے اجازت نامے  خلاف ورزی پر جرمانوں کا اختیار اسی اتھارٹی کے پاس ہوگا۔

وزارت آئی ٹی حکام کا کہنا تھا کہ اتھارٹی ٹی وی چینلز اخبارات کی ویب سائٹس کی بھی نگرانی کرے گی اور اتھارٹی ویب چینلز کو لائسنس جاری کرنے کا اختیار رکھے گی۔

اس کے علاوہ ویب مانیٹرنگ کا اختیار پی ٹی اے سے واپس لیا جائے گا، پیکا ایکٹ کے تحت ایف آئی اے کو حاصل اختیارات کو بھی ناکافی قرار دیا گیا ہے۔

مجوزہ بل کے مطابق پیکا ایکٹ کے تحت سوشل میڈیا رولز بنے وہ بھی کارآمد ثابت نہ ہوئے، پی ٹی اے کو سوشل میڈیا پر مواد کو بلاک کرنے کی رسائی نہیں۔

بل میں بتایا گیا کہ پیکا ایکٹ کے مطابق سائبر کرائمز کے تدارک کیلئے الگ اتھارٹی نہیں بنائی گئی، ٹاسک ایف آئی اے کو دیا گیا جس پر پہلے ہی دیگر معاملات کے باعث بوجھ ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں