امریکہ  نے بھارتی ریاست منی پور میں جاری تشدد اور نسلی فسادات پر افسوس کا اظہار کیا ہے۔

 امریکی محکمہ خارجہ کے پرنسپل ڈپٹی ترجمان ویدانت پٹیل  نے پریس بریفنگ کے دوران  کہا کہ  بھارت میں خواتین پر حملے کی ویڈیو حیران  کن اور صدمے  والی تھی، متاثرین سے گہری ہمدردی کا اظہار کرتے ہیں۔

ویدانت پٹیل   نے کہا کہ  ان کے انصاف کے  لیے بھارتی حکومت کی کوششوں کی حمایت کرتے ہیں۔ منی پور میں تشدد کے پرامن اور جامع حل کی حوصلہ افزائی کرتے ہیں،  بھارتی حکام تمام گروپس کی جان و مال کی حفاظت کریں۔

انہوں نے کہا کہ  خواتین کے خلاف ایسا تشدد کسی بھی مہذب معاشرے میں شرمناک ہے۔  ہم منی پور میں تشدد کے حوالے سے پرامن اور جامع حل کی حوصلہ افزائی کرتے ہیں۔

امریکی محکمہ خارجہ کے ترجمان نے  کہا کہ   کسی امریکی عہدیدار کا دورہ افغانستان کا کوئی پلان نہیں ہے۔

انہوں نے  مزید کہا کہ   افغانستان میں انسانی حقوق کی خلاف ورزیوں، خواتین اور لڑکیوں کے ساتھ جاری سلوک کی مذمت کرتے ہیں۔  عالمی شناخت کے  لیے طالبان کو ان اقدامات کا اور پالیسیوں کا انتخاب کرنا ہو گا جس کا کہا تھا۔

ویدانت پٹیل نے کہا کہ  ہم پاکستان میں حکام سمیت تمام اسٹیک ہولڈرز سے  پریس کی آزادی  کے بارے  میں اظہار کرتے رہتے ہیں۔  آزاد پریس اور باخبر شہری کسی بھی قوم کے لیے کلیدی حیثیت رکھتے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں