نگران وزیراعظم کی تقرری کے لئے اتحادی جماعتوں میں مشاورت کا عمل تیز ہوگیا ہے۔

تفصیلات کے مطابق بلوچستان عوامی پارٹی نے نگران وزیراعظم کے نام پر مشاورت کے لئے کمیٹی تشکیل دے دی ہے جس میں پارلیمانی لیڈر خالد مگسی اور سینیٹر منظور کاکڑ شامل ہیں۔

اس حوالے سے ذرائع نے بتایا کہ دونوں رہنما پارٹی قیادت سے مشاورت کے بعد نگران وزیراعظم کے لئے نام کمیٹی کو دیں گے۔

دوسری جانب نگران وزیراعظم کے معاملے پر اتحادی حکومت میں مشاورت جاری ہے، پارلیمنٹ لاجز میں مسلم لیگ (ن) اور پیپلز پارٹی کے درمیان مذاکرات ہوئے جس میں دونوں بڑی جماعتوں نے سیاسی شخصیت کو ہی نگران وزیراعظم بنانے پر اتفاق کیا۔

پیپلز پارٹی نے تین اور (ن) لیگ نے چار نام پیش کیے، تاہم دونوں جماعتوں کے درمیان کسی نام پر ابھی تک اتفاق رائے نہیں ہوا۔

دونوں مذاکراتی ٹیموں نے اپنی قیادت سے رابطہ کر کے آصف زرداری اور نواز شریف کو تمام نام بھجوا دیے ہیں، تاہم آصف زرداری اور نواز شریف نگران سیٹ اپ کے حوالے سے آپس میں رابطے میں ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں