سوشل میڈیا ایپ تھریڈز کے صارفین کے لئے بڑی خوشخبری آ گئی ہے۔

میٹا کے چیف ایگزیکٹو مارک زکربرگ کے مطابق تھریڈز میں فالوونگ فیڈ کے فیچر کو متعارف کرایا جا رہا ہے، اس فیڈ میں صرف ان افراد کی پوسٹس نظر آئیں گی جن کو صارف فالو کر رہے ہوں گے۔

فار یو فیڈ میں الگورتھم سسٹم صارف کی ممکنہ دلچسپیوں کو مدِنظر رکھ کر مواد دکھانے کا کام کرے گا۔

کمپنی کا کہنا ہے کہ صارفین فار یو اور فالوونگ فیڈز کو تھریڈز آئیکون پر کلک کر کے ہائیڈ بھی کر سکتے ہیں۔

تھریڈز میں ٹرانسلیشنز فیچر کا اضافہ بھی کیا گیا ہے جس سے مختلف زبانوں کی پوسٹس کا ترجمہ دیکھنا ممکن ہوگا۔

واضح رہے کہ تھریڈز کو 5 جولائی کو متعارف کرایا گیا تھا اور 5 دن میں اس کے صارفین کی تعداد 10 کروڑ تک پہنچ گئی تھی۔

ایک حالیہ رپورٹ کے مطابق ٹوئٹر کے مقابلے پر پیش کی جانے والی اس ایپ میں لوگوں کی دلچسپی میں کمی آرہی ہے۔

گزشتہ دنوں تھریڈز کو روزانہ استعمال کرنے والے افراد کی تعداد ایک کروڑ 30 لاکھ تک پہنچ گئی تھی جو 7 جولائی کے مقابلے میں 70 فیصد کم ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں