سماجی رابطے کی ویب سائٹ  ٹویٹر کے چیف ایگزیکٹو جیک ڈورسی نے کورونا وائرس کے پھیلنے کے خدشے کے باعث ٹویٹر نے اپنے 5  ہزار ملازمین کو دفاتر آنے سے منع  کردیا۔

ہانگ کانگ،  جاپان  اور جنوبی  کوریا  کے   کے ملازمین کو گھروں سے کام کرنے  کی ہدایت جاری کردی۔  ٹویٹر کی جانب سے کہا گیا  دنیا بھر کے دیگر ملازمیں بھی اپنے  گھروں سے زمہ داریاں نبھا سکتے ہیں۔

ٹویٹر نے اپنے ملازمین کے غیر ضروری کاروباری سفر پر بھی  پابندی  لگا  رکھی ہے۔

Out of an abundance of caution and care, both @Twitter and @Square are taking significant measures to help lower the probability of spread of #coronavirus #covid19, including strongly encouraging all of our employees globally to work from home if able. More here:

Advertisement

— jack (@jack) March 3, 2020

واضح  رہے کہ  دنیا بھر میں کورونا وائرس  کے سبب ہونے والی ہلاکتوں  کی تعداد 3 ہزار سے تجاوز کرگئی ہے۔

کورونا وائرس سے ہلاکتوں کی تعداد 3 ہزار سے تجاوز کرگئی

 غیر ملکی خبر رساں اداروں کے مطابق  چین کی جانب سے 42 نئی ہلاکتوں کی تصدیق کی بعد دنیا بھر میں کورونا وائرس کی وجہ  سے ہونے والی اموات کی تعداد 3000 سے تجاوز کر گئی ہے۔

کورونا وائرس سے ہونے والی  کل اموات  میں سے 90 فیصد اموات چین کی صوبے ہوبائی میں پیش آئیں جہاں گذشتہ  برس دسمبر میں اس وائرس کی سب سے پہلے تشخیص ہوئی تھی ۔

چین کے علاوہ دیگر دس ممالک میں بھی ہلاکتیں ہوئی ہیں جن میں ایران میں اب تک 55 جبکہ اٹلی میں 30 کی تصدیق ہوئی ہے۔اس کے علاوہ جنوبی کوریا اور جاپان  میں بھی کئی ہلاکتیں ہوئی ہیں۔

جنوبی کوریا میں اس مہلک وائرس کے 599 نئے کیسز رپورٹ ہوئے ہیں جس کے بعد وہاں مریضوں کی تعداد 4335 ہوگئی ہے۔