خیبر پختونخوا کابینہ میں 3 وزراء کی برطرفی کے بعد ایک اور تبدیلی ہوئی ہے جسکی بنا پر شوکت یوسفزئی کو وزیراطلاعات کے عہدے سے ہٹا کر لیبر اور ثقافت کا قلمدان سونپ دیا گیا ہے۔
شوکت یوسفزئی کو لیبر اور ثقافت کا قلمدان سونپ دیا گیا جبکہ خیبرپختونخوا کے نئے مشیر اطلاعات کا قلمدان مشیر برائے ضم اضلاع اجمل خان کو دیا گیا ہے۔
ذرائع کا کہنا ہے کہ وزارت میں تبدیلی کا فیصلہ کارکردگی کی بنیاد پر کیا گیا ہے ۔
وزیراعلیٰ محمود خان محکمہ اطلاعات کی کارکردگی سے خوش نہیں تھے، وزیراعلیٰ نے گزشتہ ماہ وزراء کو کارکردگی بہتر بنانے کیلئے ڈیڈ لائن بھی دی تھی۔
شوکت یوسفزئی سے وزارت اطلاعات تو لے لی گئی ہے تاہم بدستور صوبائی کابینہ کا حصہ رہیں گے، انہیں ثقافت اور محنت کے محکمے دیے گئے ہیں۔ واضح رہے کہ چند ماہ قبل خیبر پختونخوا کابینہ سے 3 وزرا کو بھی وزیر اعلیٰ کے خلاف سازش کے الزام میں نکالا جاچکا ہے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
