نئی دہلی: بھارتی ریاست کیرالہ میں ایک امریکی خاتون کے ساتھ اجتماعی زیادتی کا افسوسناک واقعہ پیش آیا ہے۔

کشمیر میڈیا سروس کی رپورٹ کے مطابق بھارتی ریاست کیرالہ کے علاقے کولم میں دو افراد نے ایک آشرم میں گھس پر 44 سالہ امریکی خاتون کو بے ہوش کرکے اجتماعی زیادتی کا نشانہ بنادیا ہے۔

پولیس کے مطابق متاثرہ امریکی خاتون کولم کے ایک آشرم میں مقیم تھی۔ دو افراد خاتون کو بے ہوش کرکے نامعلوم مقام پر لے گئے جہاں ان سے کئی بار زیادتی کی گئی۔

پولیس نے اس سلسلے میں کرونا گپلی پولیس اسٹیشن میں مختلف دفعات کے تحت مقدمہ درج کرلیا ہے اور دونوں ملزمان کی گرفتاری کا بھی دعویٰ کیا گیا ہے۔

میڈیا رپورٹس کے مطابق متاثرہ امریکی خاتون 22 جولائی کو کیرالہ آئی تھی اور 31 جولائی کو خاتون آشرم کے قریب ساحل سمندر پر اکیلی بیٹھی تھی تو دونوں ملزمان ان کے پاس آئے اور انہیں سگریٹ پیش کی۔

رپورٹ میں کہا گیا ہے کہ امریکی خاتون نے سگریٹ پینے سے انکار کردیا جس کے بعد خاتون سے بات چیت کے دوران انہوں نے اسے ساتھ چلنے کے لیے کہا اور مشروب پینے کی پیشکش کی جس میں نشہ آور چیز ملائی گئی تھی۔

مشروب پینے سے خاتون بے ہوش ہوگئی تو ملزمان انہیں موٹر سائیکل پر بٹھا کر قریب ایک ویران گھر میں لے گئے جہاں انہیں بار بار زیادتی کا نشانہ بنایا گیا۔

رپورٹ میں مزید کہا گیا ہے ہوش میں آنے کے بعد امریکی خاتون گزشتہ شب پولیس اسٹیشن پہنچی اور اپنی شکایت درج کرائی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں