حریت رہنما عبدالحمید لون کا کہنا ہے کہ 5 اگست 2019 کشمیر کی حالیہ تاریخ کا سیاہ ترین دن تھا۔

مقبوضہ کشمیر کے یوم استحصال کے موقع پر حریت رہنما عبدالحمید لون نے اپنے بیان میں کہا کہ بھارت کا 5 اگست 2019 کا اقدام کشمیریوں کو ان کی زبان، تاریخ اور نسلی ثقافتی شناخت سے محروم کرنے کی گہری سازش تھی۔

عبدالحمید لون  نے کہا کہ بھارت کی فسطائی حکومت نے مقبوضہ جموں کشمیر کی خصوصی حیثیت کو ختم کر کے  لاکھوں کشمیریوں کو بندوق کی نوک پر یرغمال بنا لیا۔

ان کا کہنا تھا کہ بھارت کی طرف سے 5 اگست 2019 اور اس کے بعد اٹھائے گئے اقدامات بنیادی طور پر ایک مذموم منصوبے کا حصہ تھے جس کا مقصد کشمیریوں سے ان کی شناخت، ان کی زبان، ان کی ثقافت چھیننا تھا۔

حریت رہنما نے مزید کہا کہ  بھارت کی فسطائی حکومت نے 80 لاکھ کشمیریوں کو اپنے ہی گھروں میں قید کر رکھا ہے۔ بھارت انسانی حقوق کی سنگین خلاف ورزیوں کو چھپانے کے لیے جان بوجھ کر بیرونی دنیا سے کشمیریوں کا رابطہ منقطع کر دیا گیا ہے۔

عبدالحمید لون نے کہا کہ نوجوانوں کو ’جعلی مقابلوں‘اور نام نہاد ’کورڈن اینڈ سرچ‘آپریشنز میں ماورائے عدالت شہید کیا جا رہا ہے۔ مقبوضہ جموں کشمیر کی حقیقی سیاسی قیادت جیلوں میں بند ہے۔

انہوں نے کہا کہ پاکستان کی کشمیر کاز کے حوالے سے کاوشیں قابل تحسین ہیں۔ پاکستان کشمیری عوام کے ساتھ شانہ بہ شانہ کھڑا ہے اور استصواب رائے کے حق تک کھڑا رہے گا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں