کراچی سمیت ملک بھر میں آٹا ایک بار پھر غریب کی دسترس سے باہر ہونے لگا، 20 کلو آٹے کی قیمت آسمان سے بات کرنے لگی، غریب شہری کیلئے بچوں کو پیٹ بھر کے کھانا کھلانا مشکل ہوگیا۔

تفصیلات کے مطابق پاکستان میں عام آدمی کا آئے روز مہنگائی کی نئی لہر سے واسطہ پڑ رہا ہے، مہنگے آٹے اور روٹی کی بڑھتی قیمتوں نے عوام کی چیخیں نکال دی ہیں۔

ادارہ شماریات نے آٹے کی قیمتوں کے اعداد وشمار جاری کردیے ہیں جس کے مطابق ملک کی تاریخ میں آٹے کی قیمت ریکارڈ بلندی پر پہنچ گئی ہے۔

شہر قائد کے باسی سب سے مہنگا آٹا خریدنے پر مجبور ہیں، کراچی میں 20 کلو آٹے کے تھیلے کی قیمت 3200 روپے تک جا پہنچی ہے۔

ادارہ شماریات کے مطابق اسلام آباد میں 20 کلو آٹے کا تھیلا 3000 روپے میں فروخت ہو رہا ہے جبکہ سیالکوٹ میں 20 کلو آٹے کا تھیلا 2733 روپے کا ہو گیا ہے۔

اس کے علاوہ راولپنڈی میں 20 کلو آٹے کے تھیلے کی قیمت 2933 روپے تک پہنچ گئی جبکہ لاہور میں آٹے کا 20 کلو کا تھیلا 2850 روپے میں دستیاب ہے۔

دستاویز میں مزید بتایا گیا ہے کہ پشاور میں 20 کلو آٹے کی قیمت 2750 روپے ہے جبکہ کوئٹہ میں 20 کلو آٹے کا تھیلا 2910 روپے میں فروخت ہو رہا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں