وفاقی وزیر قانون اعظم نذیر تارڑ نے کہا ہے کہ چیئرمین پی ٹی آئی ہائیکورٹ اور سپریم کورٹ میں اپیل کر سکتے ہیں۔

چیئرمین سینیٹ صادق سنجرانی کی زیرِ صدارت سینیٹ اجلاس میں اظہار خیال کرتے ہوئے اعظم نذیر تارڑ نے کہا کہ چیئرمین پی ٹی آئی کو سادہ قانون سے قانون کے تحت سزا ہوئی، 30جون سے پہلے گوشوارے جمع کروانے پڑتے ہیں، چیئرمین پی ٹی آئی کو گوشوارے چھپانے پر سزا دی گئی۔

انہوں نے کہا کہ 37 بار چیئرمین پی ٹی آئی حاضر نہیں ہوئے، چیئرمین پی ٹی آئی ہائیکورٹ اور سپریم کورٹ میں اپیل کرسکتے ہیں، نواز شریف کو تو سپریم کورٹ سے سزا ہوئی ہم کہیں اپیل بھی نہیں کرسکتے تھے۔

اعظم نذیر تارڑ نے کہا کہ پی آئی اے کی ری اسٹرکچرنگ کرنے جارہے ہیں، پی آئی اے کو اپنے فضائی بیڑے کو بڑا کرنا ہوگا، اگر نیا خون اور پیسہ اس میں شامل نہیں ہوگا تو یہ ایئرلائن بند ہوجائے گی، یہ ایئرلائن روایتی خسارے والے طریقے سے نہیں چلے گی۔

اجلاس میں فیڈرل پبلک سروس کمیشن ترمیمی بل سے متعلق اعظم نزیر تارڑ نے کہا کہ بل کے تحت چیئرمین فیڈرل پبلک سروس کمیشن کی مدت میں اضافہ کیا جارہا ہے۔

انہوں نے مزید کہا کہ چیئرمین کی مدت ملازمت 3 سال سے بڑہا کر 5سال کی جارہی ہے، پرویز مشرف نے دو مختلف آرڈینیشن کے ذریعے چیئرمین ایف پی ایس سی کی مدت ملازمت کو کم کیا تھا، افسران کی تقرریوں اور دیگر معاملات کو دیکھنے کے لیے تین سال کی مدت کم ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں