زیادہ میٹھا کھانے والے افراد کے لئے ماہرین نے خطرے کی گھنٹی بجا دی ہے۔

ایک حالیہ تحقیق کے مطابق بسکٹ، کیک اور سوڈا مشروبات کی کھپت گردوں میں پتھری کے خطرات میں اضافہ کر سکتی ہے۔

جی ہاں، تحقیق میں بتایا گیا ہے کہ زیادہ مقدار میں چینی کی کھپت (عام طور پر جو پروسیسڈ غذاؤں میں پائی جاتی ہے) اس تکلیف دہ کیفیت میں مبتلا کرنے کے امکانات بڑھا دیتی ہے۔

گردے کی پتھری ہر 10 میں سے ایک سے زائد فرد کو متاثر کرتی ہے۔ جس کا سبب خون بنانے والے کرسٹل میں موجود فضلا بنتا ہیں۔

وقت کے ساتھ یہ کرسٹل سخت پتھر کی شکل اختیار کر سکتے ہیں اور اگر درست علاج نہ کیا جائے تو مریض شدید تکلیف اور گردے کے انفیکشن میں مبتلا ہوسکتا ہے۔

تحقیق کے مطابق چینی سے بھرپور غذائیں جیسے کہ مشروبات، مٹھائیاں، آئس کریم، کیک اور کوکیز اس کیفیت میں مبتلا ہونے کے خطرات میں اضافہ کرتی ہیں۔

اس تحقیق کے لئے محققین نے 11 سال سے زیادہ کے عرصے تک 30 ہزار کے قریب افراد کے ڈیٹا کا جائزہ لیا۔

تحقیق میں شرکاء نے خود کے گردے میں پتھری کی تکلیف متعلق بتایا اور ان کی بتائی گئی غذا سے ان کی چینی کھپت کا اندازہ لگایا گیا۔

تجزیے میں معلوم ہوا کہ وہ افراد جو اضافی چینی کھاتے تھے ان کے اس کیفیت میں مبتلا ہونے امکانات 39 فی صد زیادہ تھے۔

اس ہی طرح وہ افراد جو کل توانائی کا ایک چوتھائی سے زیادہ حصہ اضافی چینی سے حاصل کرتے تھے ان کے اس تکلیف میں مبتلا ہونے کے امکانات 88 فیصد زیادہ تھے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں