پارلیمنٹ کی پبلک اکاؤنٹس کمیٹی کا اجلاس ہوا جس میں ایف پی ایس سی سے متعلق آڈٹ اعتراض کا جائزہ لیا گیا۔

تفصیلات کے مطابق پارلیمنٹ کی پبلک اکاؤنٹس کمیٹی کا چیئرمین نور عالم خان کی زیر صدارت اجلاس ہوا جس میں سلیم مانڈوی والا نے گاڑیوں سے متعلق معاملے پر بنائی گئی ذیلی کمیٹی کی رپورٹ پیش کی۔

سلیم مانڈوی والا نے رپورٹ دیتے ہوئے کہا کہ ہم نے کہا ہے کہ اضافی رقم صارفین کو واپس کی جائے، اگر ای ڈی بی ناکام ہوتا ہے تو معاملہ ایف آئی اے کو دیا جائے۔

نور عالم خان کا کہنا تھا کہ لوگوں سے بہت زیادہ پیمنٹس لی گئیں، ہم یہ کیسز ایف آئی اے کو دیتے ہیں کہ معاملہ دیکھیں، 100 فیصد رقم لے کر کہتے ہیں 40 چالیس لاکھ اور دیے جائیں۔

کمیٹی نے گاڑیوں کے صارفین سے اضافی رقوم کی وصولیوں کا معاملہ ایف آئی اے کے سپرد کر دیا۔

کمیٹی نے اس موقع پر ہدایت دی کہ آڈیٹرجنرل، ای ڈی بی، وزارت صنعت و پیداوار اور تجارت کے نمائندے بھی تحقیقات میں شامل کئے جائیں۔

اجلاس میں فیڈرل پبلک سروس کمیشن سے متعلق ایک آڈٹ اعتراض کا بھی جائزہ لیا گیا، کمیٹی نے معاملہ تحقیقات کے لئے ایف آئی اے کے سپرد کر دیا۔

ملک مختار احمد کا کہنا تھا کہ پندرہ سالوں میں ایف پی ایس سی میں جو تعیناتیاں ہوئی ہیں اس کا بھی آڈٹ کروایا جائے۔

کمیٹی نے فیڈرل پبلک سروس کمیشن میں 15 سالوں میں ہونے والی تعیناتیوں کے آڈٹ کا حکم دے دیا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں