چیئرمین سینیٹ صادق سنجرانی نے کہا ہے کہ پیمرا ترمیمی بل 2023 کی منظوری کے معاملے پر حکومت سے بات کروں گا۔

تفصیلات کے مطابق پارلیمانی رپورٹرز ایسوسی ایشن کے نمائندہ وفد نے چیئرمین سینیٹ صادق سنجرانی سے ملاقات کی جس کے دوران پارلیمانی رپورٹرز ایسوسی ایشن نے چیئرمین سینیٹ کو پیمرا ترمیمی بل 2023 کو واپس لینے کے حکومتی فیصلے پر اپنے شدید تحفظات سے آگاہ کیا۔

پی آر اے وفد نے اس موقع پر پیمرا ترمیمی بل 2023 کو واپس لینے کے حکومتی اقدام کو ناقابل قبول قرار دیتے ہوئے کہا کہ پیمرا ترمیمی بل کی واپسی سے صحافی کارکنان کی امیدوں کا خون کیا گیا ہے، چیئرمین سینیٹ  پیمرا ترمیمی بل 2023 کی منظوری کے لیے اپنا کردار ادا کریں، حکومت اگر متنازعہ ترمیم واپس لے کر آفیشل سیکرٹ ایکٹ منظور کر سکتی ہے تو متنازعہ ترمیم کی واپسی سے پیمرا ترمیمی بل کیوں منظور نہیں کرا سکتی؟ حکومت اپنے اقدام پر فوری نظر ثانی کرے اور سینیٹ سے کل بل کو منظور کیا جائے۔

چیئرمین سینیٹ نے پی آر اے وفد کو یقین دہانی کرائی کہ پیمرا ترمیمی بل 2023 کی منظوری کے معاملے پر حکومت سے بات کروں گا۔

وفد میں سابق صدر پی آراے بہزادسلیمی، سابق سیکرٹری جنرل ایم بی سومرو، سابق سیکرٹری اطلاعات علی شیر اور عثمان خان شامل تھے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں