وزیر اعظم شہباز شریف نے جی ایچ کیو کا الوداعی دورہ کیا ہے۔

پاک فوج کے شعبہ تعلقات عامہ (آئی ایس پی آر) کے مطابق وزیر اعظم شہباز شریف نے جی ایچ کیو میں یادگار شہداء پر حاضری دی، پھول چڑھائے اور فاتحہ خوانی کی۔

آئی ایس پی آر نے بتایا کہ آرمی آڈیٹوریم میں شہداء اور غازیوں کو خراج عقیدت پیش کرنے کی تقریب میں وزیراعظم نے بطور مہمان خصوصی شرکت کی۔

آئی ایس پی آر کا کہنا ہے کہ وزیراعظم شہباز شریف نے مادر وطن کے دفاع کے لئے شہداء، غازیوں اور ان کے اہلخانہ کو بھرپور خراج عقیدت کیا اور ان کے اہلخانہ کی قربانیوں کو سراہا۔

آئی ایس پی آر کے مطابق وزیراعظم  نے ملک کی علاقائی سلامتی کو یقینی بنانے اور دہشت گردی کے خلاف جنگ میں مسلح افواج کے کردار کو بھی سراہا۔

 وزیراعظم شہباز شریف نے جی ایچ کیو میں شہداء کے اہل خانہ اور غازیان کے اعزاز میں تقریب سے خطاب کرتے ہوئے کہا کہ شہداء اور غازی ہمارا فخر ہیں، ان کی عزت اور احترام ہر پاکستانی پر فرض ہے۔

وزیراعظم نے  کہا کہ ہرگز نہیں بھولنا چاہیے کہ ہمارا امن اور آزادی دھرتی کے بہادر سپوتوں کی قربانیوں کا مرہون منت ہے۔

انہوں نے کہا کہ اپنے پیاروں کو پاکستان پر قربان کرنے والوں کو سلام پیش کرتا ہوں، اب ہمارا اولین فرض ہے کہ ہم شہداء اور غازیوں کی قربانیوں کو ہر پاکستانی کی خوشحالی میں ڈھالیں۔

شہداء کی یادگاروں کی بے حرمتی کرنے والوں کے چہرے ملکی تاریخ میں ہمیشہ سیاہ رہیں گے، پاکستان کے غیور عوام ان سیاہ چہروں کو کبھی فراموش نہیں کریں گے۔

اس موقع پر وزیراعظم نے 70 شہداء کے لواحقین اور 30 زخمیوں کے اہلخانہ کے لئے مالی اعانت کے چیک پیش کیے اور شہداء کے لواحقین میں شامل طالب علموں کو تعلیم کے لئے لیپ ٹاپس بھی دیے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں