وزیراعظم ہاؤس میں نگراں پر مشاورت کے لیےوزیراعظم شہبازشریف اور اپوزیشن لیڈر راجا ریاض کے درمیان ملاقات ہوئی۔

تفصیلات کے مطابق ذرائع کا کہنا ہے کہ قومی اسمبلی کی تحلیل کے بعد نگراں وزیراعظم کے تقررکے معاملے پروزیراعظم شہبازشریف اورراجا ریاض تین تین ناموں پرمشاورت کررہے ہیں۔

اس سے قبل وزیراعظم شہبازشریف نے اپوزیشن لیڈرکو خط لکھ تھا، وزیراعظم نے اپوزیشن لیڈر کو مشاورت کے لیے دعوت دی۔

وزیراعظم کی جانب سے خط میں لکھا گیا کہ نگران وزیراعظم کے تقرر کے لیے آرٹیکل 224 ون اے کا نفاذ ہو گیا ہے، اپنی آئینی ذمہ داری کو پورا کرتے ہوئے میں اپ کو مشاورت کے لیے دعوت دیتا ہوں۔

خط میں وزیراعظم نے اپوزیشن لیڈر کو مشاورت کے لیے آج ہی بلایا جس کے بعد اپوزیشن لیڈرراجا ریاض وزیراعظم ہاؤس پہنچ گئے۔

ذرائع کا کہنا ہے کہ سابق سیکریٹری خارجہ جلیل عباس جیلانی مضبوط امیدوار ہیں، جبکہ عبدالحفیظ شیخ کے علاوہ سابق چیف جسٹس تصدق جیلانی کا نام بھی زیرغور ہے۔

ذرائع کے مطابق چیئرمین سینیٹ صادق سنجرانی نگراں وزیراعظم کیلئے موسٹ فیورٹ امیدوار ہیں،  وزیراعظم اوراپوزیشن لیڈرکی مشاورت میں صادق سنجرانی کا نام بھی زیرغور۔ وزیراعظم اور اپوزیشن لیڈر کے درمیان نگراں وزیراعظم کے نام پراتفاق رائے کا امکان ہے۔

وزیراعظم شہباز شریف اور اپوزیشن لیڈر راجا ریاض کی درمیان ملاقات ختم ہوگئی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔