بھارت میں ہونے والے ورلڈ کپ 2023 کے لیے ٹکٹوں کی فروخت 25 اگست سے شروع ہوجائیں گی۔

بھارت میں ہونے والے ورلڈ کپ 2023 کے لیے ٹکٹوں کی فروخت کا عمل افتتاحی میچ سے 40 روز قبل شروع ہوگا جو مختلف تاریخوں میں فروخت کیے جائیں گے۔

25 اگست سے غیر بھارتی وارم اپ میچز اور ایونٹ میں بھارت کے میچز کے علاوہ دیگر تمام میچز کے ٹکٹس فروخت کیے جائیں گے جب کہ 30 اگست کو گوہاٹی اور ترویندرم میں ہونے والے بھارت کے میچز کے ٹکٹس فروخت ہوں گے۔

31 اگست کو چنئی، دہلی اور پونے میں ہونے والے بھارت کے میچز کے ٹکٹس فروخت کے لیے دستیاب ہوں گے، یکم ستمبر سے دھرم شالہ، لکھنؤ اور ممبئی میں بھارت کے میچز کے ٹکٹس فروخت ہوں گے۔

علاوہ ازیں 2 ستمبر کو بنگلورو اور کولکتہ، 3 ستمبر سے احمد آباد میں بھارت کے میچز کے ٹکٹس فروخت کیے جائیں گے جب کہ 15 ستمبر سے سیمی فائنل اور فائنل کے ٹکٹس فروخت ہوں گے۔

آئی سی سی کا ایک بیان میں کہنا ہے کہ ٹکٹوں کی فروخت سے قبل شائقین کرکٹ کو 15 اگست سے https://www.cricketworldcup.com/register پر جاکر ٹکٹوں کے اندراج کے لیے دلچسپی ظاہر کرنی ہوں گے۔

اس سے شائقین کرکٹ ٹکٹوں کے حوالے سے خبریں سب سے پہلے جان سکیں گے اور ورلڈ کپ میں اپنی جگہ کو محفوظ بنانے میں بھی مدد ملے گی۔

آئی سی سی کے سربراہ کرس ٹیٹلی کہتے ہیں ’’ہم کرکٹ کے تمام شائقین سے اپیل کرتے ہیں کہ وہ اگلے ہفتے سے اپنی دلچسپی کا اندراج کریں تاکہ یہ یقینی بنایا جاسکے کہ آپ ٹکٹوں کی خبریں حاصل کرنے والے پہلے لوگوں میں سے ایک ہیں اور کرکٹ کے سب سے بڑے ورلڈ کپ کا حصہ بننا چاہتے ہیں‘‘۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں