کوئٹہ: بلوچستان کی 11 ویں اسمبلی کو 12 اگست کو تحلیل کیے جانے کا امکان ہے۔

تفصیلات کے مطابق بلوچستان اسمبلی کی پانچ سالہ مدت پوری ہونے میں صرف ایک دن رہ گیا ہے تاہم اسمبلیوں کی تحلیل سے قبل وزیر اعلیٰ اور اپوزیشن لیڈر کے درمیان مشاورت لازمی ہے لیکن ابھی تک اس حوالے سے کوئی ملاقات سامنے نہیں آئی۔

نگراں وزیر اعلیٰ کیلئے حمل کلمتی، میر عثمان بادینی اور نصیر بزنجو کے ناموں پر مشاورت جاری ہے۔

وزیر اعلیٰ کی کوئٹہ آمد کے بعد وزیراعلیٰ اور اپوزیشن لیڈر کے درمیان ملاقات ہوگی جس کے بعد وزیراعلیٰ اور اپوزیشن لیڈر نگران وزیراعلیٰ بلوچستان سے متعلق فیصلہ کرینگے۔

اس سے قبل نگران وزیر اعلیٰ کے نام کو حتمی شکل دینے کے لیے چیئرمین سینٹ نے وزیر اعلیٰ میر عبدالقدوس بزنجو سے ملاقات بھی کی تھی، جبکہ اپوزیشن نے بھی نگران وزیر اعلیٰ کے لئے میر اعجاز سنجرانی کے نام پر اتفاق کیا تھا۔

واضح رہے کہ اس سے قبل بلوچستان اسمبلی کو 31 جولائی تک تحیل کرنے کا فیصلہ ہوا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں