نگران وزیر اعظم کی تقرری کے معاملے پر وزیراعظم شہباز شریف اور اپوزیشن لیڈر راجہ ریاض کے درمیان آج ہونے والی دوسری ملاقات کا شیڈول تاحال طے نہ ہوسکا۔

اس حوالے سے ذرائع نے بتایا کہ نگران وزیر اعظم کے نام پر مذاکرات کا آج دوسرا دور ہونا تھا، دونوں رہنماؤں کے مابین ملاقات کا وقت تاحال مقرر نہ کیا جاسکا۔

ذرائع کے مطابق وزیر اعظم آج گلگت بلتستان اور چترال کا دورہ کریں گے، تاہم وزیر اعظم کچھ ہی دیر میں گلگت بلتستان و چترال روانہ ہوجائیں گے۔

ذرائع کا کہنا ہے کہ وزیر اعظم گلگت بلتستان و چترال میں جاری ترقیاتی منصوبوں کا معائنہ کریں گے اور ترقیاتی منصوبوں کا افتتاح بھی کریں گے۔

ذرائع نے مزید بتایا کہ دورے کے دوران وزیر اعظم طلباء میں لیپ ٹاپ اسکیم کے تحت لیپ ٹاپس بھی تقسیم کریں گے، اور چترال یونیورسٹی کا بھی آج سنگ بنیاد بھی رکھیں گے۔

واضح رہے کہ وزیراعظم شہباز شریف اور قائد حزب اختلاف راجہ ریاض نے نگران وزیراعظم کے تقرر کے لیے مشاورتی عمل آئین کے مطابق شروع کردیا ہے تاہم پہلے دن کسی نام پر اتفاق نہیں ہوسکا۔ البتہ دونوں رہنماؤں نے طے کیا ہے کہ حتمی اتفاق سے پہلے نگران وزیراعظم کا نام ظاہر نہیں کیا جائے گا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں