ایشین ہاکی چیمپئنز ٹرافی میں قومی ٹیم کی شکست پر سابق اولمپئن شہباز سینئر نے فیڈریشن کو کھری کھری سنادی ہے۔
سابق اولمپئن شہباز سینئر کا میڈیا سے گفتگو کرتے ہوئے کہنا تھا کہ قومی ہاکی ٹیم پہلے اولمپکس سے باہر ہوئی پھر ورلڈ کپ سے بھی باہر ہوگئی۔ اب انتہائی شرم کی بات ہے کہ ہم ایشین ہاکی چمپئنز ٹرافی میں سیمی فائنل کے لیے کوالیفائی نہیں کرسکے۔
انہوں نے کہا کہ ٹیم کی پرفارمنس سے قوم مایوس ہوئی ہے، ہاکی کے موجودہ صدر پچھلے آٹھ سال سے ہاکی فیڈریشن پر بیٹھے ہیں۔ انہوں نے لاہور اور کراچی میں اپنے بتیجے، بھانجے اور بھائی کو بھرتی کیا ہے۔
یہ بھی پڑھیں: ایشین ہاکی چیمپئنز ٹرافی، پاکستانی خواب چکنا چور، بھارت نے 4-0 سے شکست دے دی
ان کا کہنا تھا کہ موجودہ صدر کا ایجنڈا ہی پرسنل ہے، قوم ان کی ترجیح نہیں۔ اس لیے کبھی بھی ہاکی بہتر نہیں ہوسکتی۔ افسوس کی بات ہے کامن ویلتھ گیمز میں کھلاڑیوں کو ڈیلی الاؤئنس نہیں ملا۔
سابق اولمپئن نے کہا کہ گرین شرٹ پہننے والے لڑکوں نے پاکستان واپس آنا ہی پسند نہیں کیا جب کہ اس کے برعکس صدر لیوش ہوٹل میں قیام پذیر تھا اور تین ملین کا خرچہ کیا۔ جب اس طرح کا پیغام ہیروز کو جائے گا تو ایسی ہی پرفارمنس ہوگی۔
انہوں نے حکومت کو تنقید کا نشانہ بناتے ہوئے کہا کہ حکومت کی ترجیح ہاکی کی بہتری نہیں ہے جب کہ کرکٹ میں تبدیلی راتوں رات کرلی جاتی ہے، چھ ماہ سے ہاکی میں تبدیلی کا کوئی سر پیر نظر نہیں آیا۔
شہباز سینئر کہتے ہیں یہ اچھا پیغام نہیں ہے ہاکی اولمپئن اور پاکستان ہاکی کے لیے، انہوں نے مطالبہ کیا کہ فوری طور پر ہاکی فیڈریشن کے الیکشن ہونے چاہیے جس کے لیے آئی پی سی منسٹری اور پاکستان اسپورٹس بورڈ اپنا رول ادا کرے۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News