مسلم لیگ ( ق ) کے چیف آرگنائزر چوہدری محمد سرور  نے اہم اعلان  کر دیا ہے۔

تفصیلات کے مطابق مسلم لیگ ( ق ) کے چیف آرگنائزر چوہدری محمد سرور نے منہاج القران کے باہر منہاج یوتھ لیگ کے زیر اہتمام شجر کاری مہم میں خصوصی شرکت کی۔

بعدازاں میڈیا سے گفتگو کرتے ہوئے چوہدری محمد سرور نے کہا کہ پچھلی تمام حکومتوں نے عوام کوریلیف نہیں دیا ، جس ملک میں شرح سود 22 فیصد ہو وہاں کاروباری افراد کیسے گزارا کریں گے، میں نے کہا تھا انٹرنیشنل مانیٹری فنڈ ( آئی ایم ایف ) کے3 ارب ڈالر کی بجائے اوورسیز کمیونٹی پرتوجہ دی جائے۔

انہوں نے کہا کہ ہمارا ملک سب سے زیادہ موسمی تبدیلیوں سے متاثر ہوا ہے، پچھلے سال سیلاب سے پاکستان میں 3 کروڑ50 لاکھ افراد متاثر ہوئے۔

   چوہدری محمد سرور نے کہا کہ نگران وزیراعظم کے لیے ہماری پارٹی سے کسی نے مشاورت نہیں کی، الیکشن کب ہو نگے کچھ کہہ نہیں سکتے ہیں، غیر یقینی صورتحال ہے، پاکستان ڈیمو کریٹک موومنٹ ( پی ڈی ایم ) کے وزرا کوبھی نہیں پتا کیا ہو گا۔

 مسلم لیگ ( ق ) کے چیف آرگنائزر نے کہا کہ میرا استعفی ہر وقت میری جیب میں ہوتا ہے مگر اس دفعہ میں گھبرا گیا ہوں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں