ایئر کموڈور (ریٹائرڈ) ستار علوی کے لئے شام کے سفارت خانے کی جانب سے تمغہ شجاعت کا اعزاز کیا گیا ہے۔

 ترجمان پاک فضائیہ کے مطابق ایئر کموڈور (ریٹائرڈ) ستار علوی کو 1973 کی عرب اسرائیل جنگ کے دوران بہترین کارکردگی پر اعزاز سے نوازا گیا۔

ترجمان نے بتایا کہ حکومت شام کی ہدایات پر شامی عرب فضائیہ کی جانب سے شام کے سفیر ڈاکٹر رمیز الرعی نے ائیر کموڈور (ریٹائرڈ) ستار علوی کو شام کے تمغہ شجاعت اور تعریفی سرٹیفکیٹ سے نوازا۔

26 پاک فضائیہ کے ترجمان کا کہنا تھا کہ اپریل 1973 کو پاک فضائیہ کے بہادر سپوت فلائٹ لیفٹیننٹ ستار علوی نے شامی فضائیہ کا مگ-21 لڑاکا طیارہ اڑاتے ہوئے اسرائیلی میراج طیارہ مار گرایا۔

ترجمان کے مطابق ستار علوی کے فضائی معرکے نے شام کی فضائی حدود کے دفاع میں پاکستانی پائلٹس کی بہادری اور مہارت کو اجاگر کیا۔

پاک فضائیہ کے ترجمان کا کہنا تھا کہ اس فضائی جنگ کے نتائج نے ایک برادر ملک کی خودمختاری کے تحفظ اور اس کے شہریوں کی حفاظت کو یقینی بنانے کے لیے پاکستانی پائلٹس کی ہمت اور عزم کو بھی اجاگر کیا۔

ترجمان پاک فضائیہ نے مزید کہا کہ حکومتِ شام کی جانب سے یہ اعزاز  پوری قوم کے لیے قابلِ فخر بات ہے اور آنے والی نسلوں کے لیے مشعلِ راہ ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں