عمر بڑھنے کے ساتھ قوت سماعت میں کمزوری آنے لگتی ہے اوربعض اوقات یہ کمزوری مکمل معذوری بن جاتی ہے تاہم اب سائنسدانوں نے اس معذوری کو دوبارہ بحال کرنے کا کامیاب تجربہ کیا ہے۔

حال کی میں کی جانے والی ایک تحقیق میں سائنس دانوں نے قوت سماعت کو دوبارہ بحال کرنے کے لیے چوہوں میں ایک خاص جین کو استعمال کرتے ہوئےکم اور درمیانی تعدد کی حدود میں سماعت کو بحال کیا۔

کنگز کالج لندن میں انسٹی ٹیوٹ آف سائیکاٹری، سائیکالوجی اینڈ نیورو سائنس کی اس تحقیق میں ایک غیر فعال اسپینس 2 نامی جین والے چوہوں میں بہرے پن کو ٹھیک کرنے کے لیے جینیاتی طریقہ کار کا استعمال کیا، جس سے کم اور درمیانی تعدد کی حدود میں ان کی سماعت کی صلاحیتوں کو بحال کیا گیا۔ محققین کا کہنا ہے جین کی سرگرمی میں کمی لاکر سماعت کی خرابی کو دور کیا جاسکتا ہے۔

70 برس کی دہائی میں نصف سے زیادہ بالغ افراد میں سننے کی صلاحیت میں کمی ہونے لگتی ہے۔ کمزور سماعت ڈپریشن اور علمی زوال کے ساتھ ڈیمنشیا کے خطرے کو بھی کئی گنا بڑھا دیتی ہے اگرچہ سماعت کے آلات اور کوکلیئر امپلانٹس کارآمد ثابت ہو سکتے ہیں، لیکن وہ عام سماعت کے افعال کو بحال نہیں کرتے، اور نہ ہی وہ کان میں کسی بیماری کو بڑھنے سے روکتے ہیں۔

اس تحقیق میں محققین نے ایک غیر فعال Spns2اسپینس 2 نامی جین کے ساتھ چوہوں کی افزائش کی۔ اس کے بعد چوہوں کو جین کو فعال کرنے کے لیے مختلف عمروں میں ایک خاص انزائم فراہم کیا گیا جس کے بعد ان کی سماعت بہتر ہوئی۔ خاص کر چھوٹی عمر میں اس جین کو فعال کرنا کافی کار آمد ثابت ہوا۔

پروفیسر کیرن اسٹیل، کنگز میں سینسری فنکشن کے پروفیسر اور اس مطالعے کے سینئر مصنف کا کہنا ہے کہ  انحطاطی بیماریاں جیسے کہ سننے کے عمل میں کمی کو اکثر ناقابل واپسی سمجھا جاتا ہے، لیکن اس تحقیق کے مطابق کم از کم ایک قسم کے اندرونی کان کی خرابی کو دور کیا جاسکتا ہے۔ اور اس خرابی کو دور کرنے جینیاتی طریقہ استعمال کیا، لیکن مثبت نتائج کو اسی طرح کی سماعت سے محروم لوگوں میں سماعت کو دوبارہ فعال کرنے کے لیے جین تھراپی یا ادویات جیسے طریقوں پر تحقیق کی حوصلہ افزائی کرنی چاہیے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں