انسداد منشیات فورس (اے این ایف) نے منشیات کے خلاف مختلف کارروائیوں میں 6 ملزمان گرفتار کیے ہیں۔

تفصیلات کے مطابق ترجمان اے این ایف نے میڈیا کو کارروائیوں کے بارے میں بریفنگ دیتے ہوئے اپنے بیان میں کہا کہ 3 کارروائیوں کے دوران 185 کلوگرام سے زائد منشیات کے ساتھ  6 ملزمان گرفتار کیے گئے۔

ترجمان نے کہا کہ سپر ہائی وے، جامشورو پر ٹرک کے خفیہ خانوں سے 180 کلوگرام چرس برآمد، دوران کارروائی شکارپور اور حیدرآباد کے رہائشی 3 ملزمان گرفتار ہوئے، لک بائی پاس کوئٹہ کے قریب ٹیکسی گاڑی میں سوار چاغی کا رہائشی ملزم گرفتار ہوا، ملزم کے قبضے سے 1 کلوگرام آئس اور 500 گرام ہیروئن برآمد ہوئی۔

اے این ایف کے ترجمان نے کہا کہ حیات آباد ٹول پلازہ پشاور کے قریب مہران گاڑی کی سیٹوں میں چھپائی گئی 3 کلو 600 گرام چرس برآمد ہوئی، خیبر کے رہائشی دو ملزمان منشیات باڑہ سے پشاور اسمگل کرنے کی کوشش میں گرفتار ہوئے۔

ان کا کہنا تھا کہ گرفتار ملزمان کے خلاف انسداد منشیات ایکٹ کے تحت مقدمات درج کر کے مزید تفتیش کا آغاز کر دیا گیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں