سونف کا استعمال ہر گھر میں ہوتا ہے اور صدیوں سے اسے مختلف طبی مسائل سے بچنے کے لیے کھایا جاتا ہے۔

آج ہم آپ کو سونف کے ان فوائد کے بارے میں بتائیں گے جنہیں جدید طبی سائنس نے ثابت کیا ہے۔

  متعدد طاقتور نباتاتی مرکبات کا حصول

سونف میں متعدد اینٹی آکسائیڈنٹس نباتاتی مرکبات موجود ہوتے ہیں۔ تحقیقی رپورٹس سے ثابت ہوا ہے کہ اینٹی آکسائیڈنٹس سے بھرپور غذاؤں کے استعمال سے دائمی امراض جیسے ذیابیطس ٹائپ 2 اور امراض قلب سے متاثر ہونے کا خطرہ کم ہوتا ہے۔

سونف میں 28 سے زیادہ مرکبات موجود ہوتے ہیں جو جراثیم اور ورم کش خصوصیات کے حامل ہیں۔

قبض دور کرے

سونف کی چائے سے معدے کے مسلز کو سکون پہنچتا ہے جس سے قبض سے ریلیف میں مدد ملتی ہے۔

سانس کی بو سے نجات

یہ سانس کو مہکانے کے لیے بھی بہترین ہے۔ کھانے کے بعد کچھ مقدار میں سونف کھانے سے سانس میں بو پیدا نہیں ہوتی بلکہ سانس خوشبودار ہوجاتی ہے۔

کھانے کی خواہش پر قابو پانے کے لیے مفید

ایک تحقیق میں دریافت کیا گیا کہ کھانے سے قبل سونف سے بنی چائے پینے سے لوگوں کو کم بھوک لگتی ہے اور وہ کم مقدار میں کھانا کھاتے ہیں۔

دل کی صحت کے لیے مفید

سونف کو کھانے سے دل کی صحت کو فائدہ ہوتا ہے۔ اس میں موجود فائبر سے امراض قلب کا خطرہ بڑھانے والے عناصر جیسے ہائی کولیسٹرول کو کنٹرول کرنے میں مدد ملتی ہے۔

کینسر سے ممکنہ تحفظ

سونف میں موجود طاقتور مرکبات سے دائمی امراض بشمول کینسر سے تحفظ مل سکتا ہے۔

مثال کے طور پر سونف میں موجود anethole کینسر سے لڑنے کی صلاحیت رکھتا ہے۔

ایک تحقیق میں دریافت کیا گیا کہ anethole سے بریسٹ کینسر سے متاثر خلیات کی نشوونما کم ہو جاتی ہے۔

ورم میں کمی لائے

سونف میں موجود اینٹی آکسائیڈنٹس سے جسمانی ورم میں کمی آتی ہے جس سے مختلف دائمی امراض سے تحفظ ملتا ہے۔

پیٹ پھولنے اور گیس کے مسئلے سے نجات

سونف کے استعمال سے پیٹ پھولنے اور اضافی گیس سے نجات پانے میں بھی مدد مل سکتی ہے۔ اس کی وجہ یہ ہے کہ سونف میں فائبر موجود ہوتا ہے جبکہ یہ جراثیم اور ورم کش بھی ہے جس سے بھی نظام ہاضمہ کو فائدہ ہوتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں