عدالت نے نگراں حکومت پنجاب کو کام سے روکنے کی درخواست پرالیکشن کمیشن کونوٹس جاری کر دیا۔

تفصیلات کے مطابق لاہورہائی کورٹ میں نگران حکومت پنجاب کو کام سے روکنے کی درخواست پر سماعت ہوئی۔

عدالت نے الیکشن کمیشن کو نوٹس جاری کرتے ہوئے ستمبر کے پہلے ہفتے جواب طلب کرلیا اور درخواست گزارکو درخواست میں ترامیم کی ہدایت کر دی۔

عدالت نے کہا کہ اگر نگران حکومت کو کام کرنے سے روکا گیا تومشکلات ہوں گی، کسی نے تو معاملات چلانے کے لیے حکومت کرنی ہے۔ عدالت ایسے معاملات کا سنجیدگی سے جائزہ لیتی ہیں۔

جسٹس راحیل کامران شیخ نےسماعت کی جبکہ قانون دان آفتاب باجوہ نےدلائل دیے جس میں انھوں نے مؤقف اپنایا کہ پنجاب میں نگران حکومت کی آئین میں دی گئی معیاد ختم ہوچکی ہے۔

درخواست گزارنے مؤقف اختیارکیا کہ سپریم کورٹ نے نگران حکومت پنجاب کی معیاد میں کو توسیع نہیں کی. صوبائی نگران حکومت کی معیاد ختم ہونے پر اس کی قانونی حیثیت باقی نہیں رہی۔ استدعا ہے کہ  نگران وزیر اعلیٰ کو فوری عہدے سے ہٹانے کا حکم دیا جائے.

عدالت سے یہ بھی استدعا کی گئی کہ نگران حکومت پنجاب کو کام سے روکنے کا حکم دیا جائے اور الیکشن کمیشن کو پنجاب میں نئی نگران حکومت کا نوٹیفکیشن جاری کرنے کا حکم بھی دیا جائے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔