پاکستان کے معروف اداکار جاوید شیخ نے اپنی فٹنس کا راز بتا دیا ہے۔

  حال ہی میں پاکستان کے معروف اداکار جاوید شیخ نے نجی ٹی وی کے شو میں بطور مہمان شرکت کی جہاں اُنہوں نے اپنی فٹنس اور صحت مند جلد کو برقرار رکھنے کے بارے میں گفتگو کی۔

انہوں نے کہا کہ میں کافی مہمان نواز ہوں اور ہمیشہ مہمانوں کی خاطر مدارت کرنے کے لیے پر جوش رہتا ہوں اور مجھے کھانا پکانا بھی بہت پسند ہے۔

جاوید شیخ نے کہا کہ میں خود تھوڑی مقدار میں کھانا کھاتا ہوں چاہے مجھے بہت زیادہ بھوک بھی لگی ہو، مثال کے طور پر اگر مجھے اپنی بھوک لگی ہے کہ میں ڈبل روٹی کے دو سلائس آرام سے کھا سکتا ہوں تو بھی میں صرف ایک ہی  سلائس کھاؤں گا۔

اداکار نے کہا کہ میں فاسٹ فوڈ، جوس اور کاربونیٹیڈ مشروبات سے پرہیز کرتا ہوں۔

جاوید شیخ نے کہا کہ میں زیادہ تر سبزیوں اور پھلوں کے استعمال پر توجہ دیتا ہوں، جب میں بیرون ملک سفر کرتا ہوں تو میں ہوٹلوں میں رہنے کے بجائے کوئی اپارٹمنٹ کرائے پر لینے کو ترجیح دیتا ہوں تاکہ میرے پاس ایک کچن کی سہولت موجود ہو تو میں اپنے حساب سے صحت بخش کھانا خود بنا سکوں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں